Агляд падзеяў культуры

Непаўторныя абразы, крыжы і скарбонкі з перламутру можна пабачыць у Гарадзенскім Дзяржаўным музеі гісторыі рэлігіі. Усе яны зробленыя рукамі манахаў Святой зямлі. Для стварэння гэтых шыкоўных рэчаў выкарыстаныя ракавіны толькі з цёплых мораў -- яны больш цвёрдыя і не даюць шчылінаў. Некаторыя прадметы паходзяць яшчэ з 18-га стагоддзя. Такія абразы -- сапраўдны рарытэт, тэхніка іх апрацавання адрозніваецца надзвычайнаю складанасцю і разнастайнасцю: гэта і гравіроўка, і мазаіка, і роспіс, і разьба. Усе яны належаць да калекцыі ігуменні Гаўрыілы з Гарадзенскага Раства-Багародзіцкага манастыра.