Зімоўе птушак

У Беларусі зімаваць застаюцца дзясяткі відаў птушак. Не менш птушак прылятае да нас з поўначы, каб перазімаваць у больш утульным клімаце. Адно з такіх унікальных месцаў непадалёк Горадні -- штучныя ачышчальныя азёры прадпрыемства «Горадня Азот». ЗМІЦЕР ВІНЧЭЎСКІ, АРНІТОЛАГ, ГРАМАДСКАЯ АРГАНІЗАЦЫЯ «АХОВА ПТУШАК БАЦЬКАЎШЧЫНЫ»: «Тут падаецца для ачышчэння цёплая вада -- за маёй спінай яна 20 градусаў. І пасля яна праходзіць некалькі сажалак і ачышчаная вяртаецца ў Нёман. Птушкі гэта ведаюць, і соткі тысяч відаў застаюцца на зімоўку менавіта ў гэтым месцы». Флора і фаўна тут працягвае жыць і развівацца круглы год. Аднак нават на такіх вадаёмах у вялікія маразы арнітолагі раяць птушак не палохаць, каб яны не трацілі лішняй энергіі.