50 базавых за гістарычную памяць

Іншы лідар прадпрымальніцкага руху Беларусі -- Аляксандр Макаеў -- большую частку дня сёння правёў у судзе. Намесніка старшыні руху салідарнасці "Разам" аштрафавалі на 5 млн руб. за ўшанаванне памяці герояў Слуцкага паўстання. Суд Маскоўскага раёну сталіцы прызнаў Макаева вінаватым у несанкцыянаваным правядзенні мітынгу ў мястэчку Грозава 1 снежня падчас адзначэння ўгодкаў Слуцкага збройнага чыну. Прадпрымальнік рыхтаваўся сустрэць Новы год за кратамі, таму на працэс прыехаў адразу з рэчамі.