Агляд падзеяў замежжа

ВЯЛІКАЯ АМНІСТЫЯ Ў ГРУЗІІ Названы апазіцыйным прэзідэнту новаабраны парламент Грузіі пераадолеў вета Міхэіла Саакашвілі на законапраект аб амністыі. Гэта гістарычная падзея для краіны: выйдуць з-за кратаў ці атрымаюць мякчэйшае пакаранне амаль усе вязні грузінскіх турмаў, у тым ліку палітычныя зняволеныя, якіх у краіне, паводле парламенцкай большасці, каля двухсот чалавек. Саакашвілі гэтую лічбу адмаўляе. МІХЭІЛ СААКАШВІЛІ, КІРАЎНІК ГРУЗІІ: "У Грузіі каля двухсот палітвязняў? Што яны кажуць на ўвесь свет? Калі ўспрымаць гэта сур'ёзна, то яны прыраўноўваюць Грузію да Паўночнай Карэі, Бірмы, Беларусі ды афрыканскае дыктатуры сямідзесятых гадоў -- разам узятых!"