Трагедыя ў аэрапорце «Унукава»

Прынамсі тры чалавекі загінулі ў выніку аварыі пасажырскага самалёту Ту-204 у маскоўскім аэрапорце "Унукава". Лайнер авіякампаніі "Рэд Ўінґс Эйрлайнз" ("Red Wings Airlines") падчас прызямлення выйшаў за мяжу сваёй паласы, дакаціўся на Кіеўскай шашы, разваліўся на тры часткі ды загарэўся. Усяго на борце знаходзіліся, паводле розных крыніцаў, ад васьмі да 12 чальцоў экіпажу. Прычыны аварыі высвятляе следчая група. Самалёты, якія цяпер не могуць здзейсніць пасадкі ва "Унукава", абслугоўваюць аэрапорты "Шарамецьева" і "Дамадзедава". Юлія Цяльпук, "Аб'ектыў"