Самы абсурдны арышт года

Беларусь заняла першае месца... у рэйтынгу міжнароднай праваабарончай арганізацыі «Amnesty International». Неафіцыйны Топ-10 самых абсурдных і несправядлівых арыштаў на свеце ўзначаліла справа супраць беларуса Антона Сурапіна. Студэнт-фатограф правёў у СІЗА КДБ больш за месяц, бо першы апублікаваў фота мядзведзікаў, якіх скінулі 4-га ліпеня над Івянцом і Менскам шведскія пілоты. З Антона дагэтуль не знялі абвінавачання ў спрыянні незаконнаму перасячэнню мяжы, ён застаецца пад падпіскаю аб нявыезде, хоць ніякіх следчых дзеянняў вакол гучнай справы даўно не вядзецца. Вольга Саўле, "Аб'ектыў"