Агляд падзеяў замежжа

«ФІНАНСАВАГА АБВАЛУ» НЕ БУДЗЕ Злучаныя Штаты абмінулі фіскальны абрыў. Сёння ўначы Сенат прыняў законапраект, які дазволіў пазбегнуць адначаснага падвышэння падаткаў і скарачэння дзяржаўных выдаткаў. ПАТРЫК ЛЭГІ, ВЫКАНАЛЬНІК АБАВЯЗКАЎ СПІКЕРА СЕНАТУ: "Ці есць яшчэ ахвотныя галасаваць або змяніць свае рашэнне? Калі не, то 89 галасоў "за" і 8 "супраць". Выбарчы парог 64 галасы пераадолены, законапраект прыняты". Падобны сцэнар мог бы прывесці да запавольвання развіцця амерыканскай гаспадаркі. Аднак пытанне не развязанае канчаткова. Рэспубліканская большасць пагадзілася на кампраміс з прэзідэнтам толькі ў пытанні падаткаў. Ільготы скасуюць толькі для тых амерыканцаў, якія зарабляюць больш як 400 тысяч долараў за год, у той час як дэмакраты настойвалі, каб гэты парог складаў 250 тысячаў. Прыняцце рашэння аб скарачэнні дзяржаўных выдаткаў адклалі на 2 месяцы, каб дзве партыі мелі магчымасць правесці неабходныя перамовы.