Новы год -- новыя кошты

Ці палепшыцца ў новым годзе, згодна з прэзідэнцкімі пажаданнямі, дабрабыт беларусаў? У адпаведнасці з заканадаўствам, штогод 1 студзеня Савет Міністраў усталёўвае памер мінімальнага заробку. У параўнанні з мінулым годам сёлета ён вырас на 395 тыс., часовая ж аплата -- крыху больш як на 3 тыс. Лепшага заробку могуць чакаць і бюджэтнікі. Тарыфная стаўка першага разраду ў першы дзень новага года павялічылася да 240 тыс. -- амаль на 6,7 % .