Цьмяны пераразлік

Не атрымаецца фактычна паскорыць рост эканомікі -- паскораць у справаздачах. На карысць дзяржаўнага плану галоўны статыстычны камітэт павысіў паказнік ВУП. Рост валавога ўнутранага прадукту за першыя дзевяць месяцаў мінулага года склаў 3,2 % у параўнанні з адпаведным леташнім перыядам -- кажа Белстат. Раней паведамлялася пра рост на 2,5 %. У абсалютных лічбах валавы ўнутраны прадукт ад новага падліку вырас больш як на 20 трлн, і паводле стану на 1 кастрычніка склаў Br 390,3 трлн.