Ток-шоў "Форум". Закладнікі. 05.01.2013

У 2001 г. Беларусь падпісала Оргускую канвенцыю. У выніку ўлады абавязаныя прыцягваць грамадскасць да ўдзелу ў прыняцці рашэнняў, якія датычаць навакольнага асяроддзя, а таксама забяспечыць грамадзянам доступ да інфармацыі ды правасуддзя. Але падзеі апошніх гадоў сведчаць пра тое, што дзяржава, атрымоўваючы шматмільённую замежную дапамогу за ўдзел у Оргускай канвенцыі, насамрэч не выконвае сваіх абавязкаў перад грамадзянамі краіны. Небяспечныя праекты (хімічная вытворчасць, АЭС) будуюцца без належных экспертызаў і ўзгаднення з жыхарамі закранутых рэгіёнаў. Па сутнасці, беларусы закладнікі небяспечных эксперыментаў, у выніку якіх цярпяць дарослыя і дзеці, значна пагаршаецца стан навакольнага асяроддзя і здароўе людзей. Што з гэтым рабіць? Вось галоўнае пытанне дыскусіі. belsat.eu