Рэпартэр. Як пражыць на тры даляры ў дзень?

Тэмы выдання: Беларусь, прынамсі паводле яе кіраўніка, Аляксандра Лукашэнкі, -- сацыяльна-арыентаваная краіна. Аднак на гэтай выспе «стабільнасці» і нібыта дабрабыту ёсць цэлы пласт насельніцтва, што вымушаны жыць у неверагоднай галечы. Гутарка -- пра людзей з абмежаванымі магчымасцямі з дзяцінства. Паводле заканадаўства, ім выплочваецца мінімальная, гэтак званая «сацыяльная пенсія». Яе памер на сёння складае каля 96-ці долараў. Магілёвец Сяржук Гіркін знайшоў у сабе мужнасць паказаць усёй краіне, у якіх умовах жывуць тут цэлыя сацыяльныя групы. Пакуль некаторыя беларусы шукаюць спосабаў выжыць на тры долары за дзень, праблемы іншых выглядаюць зусім процілегла. Яны ўкладаюць грошы ў здыманне кіно. Але якога кіно? Спытайце любога мінака: колькі каштуе зняць баявік? Вам адкажуць: мільёны долараў! Як жа трэба любіць кіно, каб не ў Злучаных Штатах, а ў безграшовай Беларусі зняць баявік, і ўсяго за дзве з паловаю тысячы долараў. Рэжысёр гэтага фільму -- Кірыл Нонг, і не толькі рэжысёр, але яшчэ і аўтар сцэнара, і аператар, і мантажыст, і прадзюсар... Яшчэ ўчора яго ніхто не ведаў, а сёння ягонае імя ўва ўсіх на вуснах... Накладам 250 тысяч асобнікаў у Маскве выходзяць фантастычныя апавяданні Сяргея Антонава, сябры Партыі Беларускага Народнага Фронту з Быхава. Адна з кніжак пісьменніка з невялікага беларускага райцэнтру нават больш за месяц трымалася ў спісе фантастычных бестселераў. У той жа час апазіцыйны актывіст змагаецца і за аднаўленне Быхаўскага замку, за што трапіў у <b>...</b>