Аляксандар Лукашук пра Свабода АРТ / A.Lukashuk about Svaboda ART

"Надвячоркам кожнага дня я ўключаю прымач і шукаю Свабоду. Тое сталася звычаем і патрэбай душы". Так некалі казаў наш сталы слухач, сябар і аўтар Васіль Быкаў. Многія творы гэтага вялікага пісьменьніка ўпершыню прагучалі па Свабодзе. У студыі ён запісаў і сваю кнігу ўспамінаў "Доўгая дарога дадому". Сотні літаратурных твораў па-беларуску, сотні песьняў у выкананьні бардаў і прафэсійных музыкаў, сучасныя мэмуары, гістарычныя, культурніцкія, філязофскія дыскусіі, якія не старэюць, а становяцца ўсё больш актуальнымі і цікавымі, бо грамадзтва абуджаецца да свабоды. Усё гэта "Свабода" дорыць новаму пакаленьню слухачоў, якое ніколі не ўключала кароткахвалёвы прымач. Калі ласка!