«Цені ўлады». Дак. фільм

Рэжысёр Леанід Міндлін прэзентуе свой аўтарскі погляд на найбліжэйшае атачэнне кіраўніка Беларусі. Рэжысёр у сваім фільме таксама імкнецца даць ацэнку кампетэнтнасці беларускіх дзяржаўных службоўцаў. «Адзін з жартаўлівых законаў Мэрфі кажа: кожны чыноўнік імкнецца да вяршыні некампетэнтнасці. Таму я вырашыў паглядзець на гэта з дапамогаю рэальных кадраў», -- прызнаўся дакументаліст. Самым складаным падчас працы над фільмам было для аўтара -- пазбегчы карыкатуры і здзеку з чыноўнікаў. Рэжысёр стараўся зразумець матывы тых асобаў на адказных пасадах, ад якіх залежаць будучыня краіны і лёсы канкрэтных людзей. Прэм'ера дакументальнага фільму «Цені ўлады», у цыкле «Невядомая Беларусь» адбылася 9 лістапада.