Сочынская справа

Паехалі ў Менск у камандзіраванне ды не вярнуліся. Таямнічае і працяглае знікненне кіраўніка сочынскага санаторыю "Беларусь" і ягоных двух намеснікаў (дарэчы, грамадзянаў Расеі) нагадвае булгакаўскі сюжэт. Газета "Народная Воля" піша, што тройцу затрымалі ды змясцілі ў СІЗА. Праўда, у Следчым камітэце РБ, як і ў Пракуратуры, сёння заявілі, што ніякай крымінальнай справы супраць іх няма. А вось у КДБ ад каментара адмовіліся.