Някляеў у Брусэлі: Жанчына з касой села у наступны цягнік

У панядзелак-аўторак Уладзімір Някляеў разам з іншымі беларускімі палітыкамі знаходзіўся ў Брусэлі, калі там здарылася некалькі тэрактаў.

Някляеў пакінуў у сваім «Фэйсбуку» наступны допіс:

«Брусэль. 22 сакавіка 2016 года.

Тэрарыстычныя акты ў аэрапорце і ў метро.

А палове на дзевятую раніцы я выйшаў з гатэлю Derbi, што на Avenue de Tervueren у Брусэлі.

Сеў у метро на станцыі Merode і паехаў у Еўрапарламент на паседжанне рабочай групы па Беларусі.

Выйшаў на станцыі Maalbek.

Падняўся па лесвіцы – і за спінай выбухнула.

Жанчына з касой села не ў мой – у наступны цягнік…

Але гэтак яно склалася для мяне. Амаль для сарака чалавек – інакш.

Вечная памяць ім і спачуванні іх родным і блізкім, жывым…»