На «лукашэнкаўскім» мітынгу ў Смаргоні людзі скандавалі «Ганьба!» і «Трыбунал!»

Улады звезлі палонных бюджэтнікаў, але ўсё пайшло далёка не па плане.

Мітынг «у падтрымку» Лукашэнкі ў Смаргоні 25 жніўня прайшоў спецыфічна.

На яго звезлі каля 500 бюджэтнікаў, але група жыхароў горада правяла контр-дэманстрацыю, піша «Наша Ніва».

Яны трымалі партрэты забітых і скалечаных дэманстрантаў, якія пратэставалі супраць фальсіфікацыі выбараў, а таксама скандавалі «Ганьба!» і «Трыбунал!».

Акцыі пратэсту ў Смаргоні праходзяць ад 9 жніўня.