«І крочыць Айчына... Ты верны ёй, рыцар Мікола!»

Уладзімір Някляеў прысвяціў верш Міколу Статкевічу.

Паэт Уладзімір Някляеў прысвяціў верш Міколу Статкевічу:

Цябе не зламалі! Твой дух на муку не змалолі!

Праз турмы, праз краты ты крочыш дарогай да Волі!

Па гэтай дарозе гісторыі коціцца кола

І крочыць Айчына... Ты верны ёй, рыцар Мікола!

І хай на скрыжалі запісана гэта не будзе:

Жалеза, якім катавалі, слязамі Айчына астудзе,

Яна твае болі злякуе рукамі матулі,

Чырвоную ружу прышпіліць да белай кашулі...