Эканоміку -- да псіхіятра

Рабіць эканамічны прагноз для Беларусі на наступны год лепш атрымаецца ў псіхіятра, а не ў эканаміста. Такое меркаванне выказаў кіраўнік аналітычнага цэнтру "Стратэгія" Леанід Заіка. Што праўда, некалькі парадаў беларускаму ўраду на будучы год эканаміст усё ж агучыў. Леанід Заіка нагадаў словы прэзідэнта, пра тое, што адзіная эканамічная прастора ствараецца без ведання, як гэта рабіць. Таму эканаміст лічыць любыя падзеі ў эканоміцы непрадказальнымі ды цяжка прагназаванымі. Паводле Заікі, уладам не варта арыентавацца на рост валавога ўнутранага прадукту на ўзроўні 5,5 %. На думку эксперта, лепш, каб быў нулявы рост, або нават падзенне. Таксама эканаміст не раіць уладам прагназаваць інфляцыю на наступны год, а спачатку дакладна вызначыць стан грашовай масы. Адэля Дубавец, "Аб'ектыў"