Справа Бяляцкага ў судзе

Крымінальную справу супраць Алеся Бяляцкага пракуратура накіравала ў суд Першамайскага раёну сталіцы. Цяпер праваабаронца знаёміцца з матэрыяламі следства. Першае ж судовае паседжанне можа адбыцца ўжо напрыканцы кастрычніка. Нягледзячы на шматлікія просьбы адваката і грамадскасці, меры стрымання Бяляцкаму не змянілі -- ён па-ранейшаму застанецца пад вартаю ў менскім СІЗА № 1. Кіраўніка праваабарончага цэнтру "Вясна" і віцэ-прэзідэнта Міжнароднай федэрацыі правоў чалавека вінавацяць ва ўхіленні ад выплаты падаткаў. Бяляцкаму пагражае да 7 гадоў пазбаўлення волі.