Падгол: Чаму Лукашэнка так любіць селектарныя нарады?

„У чым сутнасць тэлеслектарнай нарады для ягонай псіхікі? У гэты момант ён у чарговы раз літаральна кожнай клетачкай адчувае, што яму падпарадкоўваюцца ўсе! - гаворыць Уладзімір Падгол. - Ён адчувае, што ўсё, што ён кажа слухае абсалютна ўсё чынаенства, усе цвярозыя і нават п'яныя камбайнёры і трактарысты, бо чакаюць -- можа і заробак падвысіць". Падчас апошняй нарады, прысвечанай ўборцы ўраджаю, што адбылася 7 жніўня, кіраўнік дзяржавы зрабіў шэраг рэзкіх выпадаў супраць чыноўнікаў, пры гэтым узяў на сябе роль бацькі міністраў і кіраўнікоў вертыкалі ў рэгіёнах.