«Белсатаўцы» пішуць палітвязням: Паштоўка Статкевічу

Вядоўца і журналіст «Белсату» адправіў паштоўку Мікалаю Статкевічу. Далучайся і ты! «У гэтыя святочныя дні жадаю табе перадусім здароўя. Прайсці гэты шлях з найменшымі стратамі, бо ты патрэбны нашай краіне. Веру ў хуткую нашую сустрэчу, веру ў свабодную Беларусь», -- напісаў да палітвязня вядоўца. Мікола Статкевіч -- заснавальнік Беларускага згуртавання вайскоўцаў, ініцыятар правядзення прысягі для беларускіх афіцэраў у 1992 годзе, падпалкоўнік запасу, кандыдат тэхнічных навук. Не раз яго кідалі ў камеру, але заўсёды Статкевіч выходзіў на свабоду нязломны.