ЗОНА СВАБОДЫ 19 СТУДЗЕНЯ 2013 ГОДУ Лукашэнка з трыбуны, Статкевіч з турмы, Саньнікаў з-за мяжы. Як вызначыць у Беларусі, каго хоча народ? Гэтыя ды іншыя тэмы ? ў чарговым выпуску «Зоны Свабоды», які вядзе Алена Ціхановіч. У перадачы ўдзельнічаюць Франак Вячорка і Юры Дракахруст. На скайп-сувязі -- палітычны аглядальнік радыё Валер Карбалевіч.
Цырк за дротам сустрэў новы год і працягвае радаваць беларусаў новымі злабадзённымі відэаролікамі. Гэтым разам Вінсэнт кпіць з плянаў Лукашэнкі і чыноўнікаў стварыць адну вялікую супэргазэту, абяднаўшы туды дзяржаўныя "Рэспубліку", "Савецкую Беларусь" ды іншыя. Што і хто стаіць за абяднаньнем газэтаў? Якія карысьці ад гэтай ініцыятывы? Чым супэргазэта будзе адрозьнівацца ад сваіх папярэднікаў? Глядзіце новы Цырк за дротам! Што можа сказаць пра стан беларускага грамадзтва гісторыя з кантралёркай у аўтобусе, якую цягаў за валасы пасажыр? Пра гэта ў новым выпуску музычнай перадачы "Цырк за дротам" сьпявае Vinsent.