Видео-новости

Тэлечасопіс на Белсаце belsat.eu

Дакументальны цыкл Белсату belsat.eu

Праграма Белсату belsat.eu

belsat.eu Сёння Беларусь застаецца адзінаю краінаю ў Еўропе, дзе выконваецца смяротнае пакаранне. Паводле звестак "Міжнароднай амністыі" і кампаніі "Праваабаронцы супраць смяротнага пакарання ў Беларусі", за апошнія дваццаць гадоў у краіне пакарана больш за 400 чалавек.

На філасофскае пытанне «што ёсць першасным?», сучасны беларус, хутчэй за ўсё, адкажа: шопінг. І гэта будзе характарыстыкаю часу. Пра маршруты айчыннага спажывання Максім Жбанкоў размаўляе з палітолагам Андрэем Фёдаравым.

belsat.eu «У межах канвенцыі мы правялі ўсе дзеянні, якія былі патрэбныя. Нават з Літвою -- двойчы. Мы адказалі на ўсе пытанні, -- заявіў намеснік міністра. -- Тут пытанні камерцыйнага характару, камерцыйнага поспеху рэалізацыі праекту будаўніцтва Вісагінскай АЭС».

Гады барацьбы за годнае жытло -- і ніякага выніку. Абышоўшы шматлікія інстанцыі, жыхарка з вёскі Вішнёўка звярнулася ў нашую рэдакцыю. Ужо пятнаццаць гадоў яна з мужам жыве ў доме, які калісьці часова вылучылі для працаўнікоў мясцовага калгасу. Час прайшоў, а сваё абяцанне ўлады выконваць не спяшаюцца.

ШАпік ці павільён? Адную і тую ж рэч можна назваць рознымі словамі -- сінонімамі. Але часта ад дакладнасці назвы шмат што залежыць. У прыватнасці, з-за гэткай спрэчкі паміж гандлярамі ды адміністрацыяй сталічнага рынку "Ждановічы" залежыць велічыня падаткаў: хто саступіць, той і заплаціць.

Гаспадарчы суд Менску стаў на бок падаткавікоў і прыняў рашэнне ліквідаваць інфармацыйна-асветніцкую ўстанову "Платформа". Прэтэнзіі падаткавікоў грунтуюцца на нібыта парушэнні тэрмінаў падавання дэкларацыі ды нясвоечасовым паведамленні пра змену адрасу. Праваабаронцы ж лічаць, што прычына ліквідацыі -- палітычна матываваная.

Следчы камітэт завершыў расследаванне крымінальнай справы ў адносінах былога намесніка міністра ўнутраных справаў Яўгена Полудня. Матэрыялы перадалі ў Генеральную пракуратуру, а адтуль справу накіруюць у суд.

Знесці бареры на шляху двухбаковага гандлю і актывізаваць эканамічнае супрацоўніцтва -- такую амбітную мэту ставіў XVI Беларуска-польскі эканамічны форум "Добрасуседства", які прайшоў у Менску. Толькі бареры гэтыя хутчэй не эканамічныя, а палітычныя. Што ў такіх варунках магло б паспрыяць супрацы паміж краінамі?

Размовы пра тое, што Беларусь можа стаць усходне-еўрапейскім Лас-Вэґасам, апошнім часам усё менш падобныя да жартаў. Казіно прыносяць буйны прыбытак, а між турыстаў павялічваецца колькасць не столькі вандроўнікаў з вялізнымі заплечнікамі, колькі са змяшчальнымі гаманцамі. Адначасова ж расце і насцярожанасць: ці не перамесціцца ў краіну разам з азартным -- крымінальны патэнцыял суседніх дзяржаваў? І каму, па вялікім рахунку, найбольш выгаднае развіццё гульнёвага бізнесу?

Міжнародны валютны фонд мае для Беларусі 2 навіны: адна добрая, другая кепская. МВФ палепшыў свой прагноз адносна росту айчыннага валавога ўнутранага прадукту, аднак прадказвае інфляцыю -- у разы большую за планаваную ўрадам. Аднак нават добрая навіна -- добрая адносна, бо прагноз міжнародны больш сціплы за айчынны.