Видео-новости

"Галандыя -- гандлёвы партнёр Лукашэнкі". Дэбаты пад такою назваю прайшлі напярэдадні ў Амстэрдаме. Ініцыявалі іх прадстаўнікі Беларускага Свабоднага тэатру, а ўдзел у дыскусіі ўзялІ еўрапейскія палітыкі ды бізнесоўцы. Згодна з афіцыйнаю статыстыкаю, Галандыя займае другое месца сярод асноўных гандлёвых партнёраў Беларусі. Беларускія актывісты лічаць, што грошы ад гэтага бізнесу ідуць на ўтрыманне дыктатарскага апарату Лукашэнкі, ды заклікаюць Еўразвяз адмовіцца ад імпарту беларускіх нафтапрадуктаў.

Сурёзныя праблемы абяцаюць беларусам... усходнія суседзі. Паводле апублікаванага прагнозу Міністэрства эканамічнага развіцця Расеі, сёлетняе паляпшэнне плацежнага балансу нашай краіны мае часовы характар, і з наступнага года сітуацыя зноўку пачне пагаршацца.

belsat.eu

belsat.eu

Заснавальнік, вакаліст і аўтар песень гурту Neuro Dubel Аляксандар Кулінковіч — госьць праграмы «Белы сьпіс». Вершы і музыку піша з 1985 году. 17 ліпеня 1989 году заснаваў гурт Neuro Dubel, лідэрам якога застаецца па сёньня. Мае 11 запісаных альбомаў. Піша песьні па-расейску, а з 2000 году і па-беларуску. Мае 10 перамогаў у розных намінацыях «Рок-Каранацыі», у тым ліку як «Гурт году» (Галоўная Рок-Карона) у 1998 і 2007 гг. У 1998 годзе атрымаў прыз з рук Уладзімера Мулявіна, зь якім разам выканаў «Вологду» ў панк-рокавым варыянце.

У нуль гадзінаў, нуль хвілінаў і 7 секундаў сёння ў Брытаніі распачаўся Дзень Джэймза Бонда. Роўна пяцьдзясят гадоў таму свет упершыню пабачыў фільм з серыі пра агента 007 -- "Доктар Не".

Перавыхаванне па-нарвежску! Камеры, якія ў параўнанні з беларускімі выглядаюць нібы нумары гатэляў, а колькасць асуджаных ва ўсёй вязніцы часта блізкая да ліку зняволеных у адной беларускай камеры. Урад скандынаўскай краіны прыняў рашэнне закрыць большую частку турмаў, у якіх адбываюць пакаранне -- увага -- менш за 30 злачынцаў! Утрымліваць іх эканамічна неапраўдана! Рашэнне выклікала ў краіне хвалю пратэсту. Прычым не толькі з боку працаўнікоў міні-турмаў. Чаму?

Міжнародны дзень настаўніка сёння адзначаюць працаўнікі сферы адукацыі ў больш як ста краінах свету, у тым ліку і ў нас. У гэты дзень Арганізацыя Абяднаных Нацыяў прапаноўвае кожнаму згадаць на хвілінку свайго настаўніка, які змяніў тваё жыццё да лепшага.

На міжбанкаўскім рынку зноў неспакойна. Стаўка кароткатэрміновых крэдытаў сёння павялічылася, пабіўшы ўчорашні рэкорд. Беларускія рублі цяпер у дэфіцыце, бо вырас попыт на замежную валюту. Нацыянальны банк пакуль не збіраецца нічога рабіць для змены сітуацыі -- праз гэта ўзнікаюць падставы для чарговага крызісу.

Чарговае гучнае забойства з удзелам былога праваахоўніка. Міліцыянт у адстаўцы нанёс несумяшчальныя з жыццём пашкоджанні жыхару Горадні Аляксандру Якаўлеву. Пра гэта паведаміў партал grodna.info. У Гарадзенскім следчым камітэце кажуць, што пакуль справа застаецца на стадыі распрацавання, яны не могуць назваць нават прозвішча забойцы.

Цэнтральная выбарчая камісія не задаволіла чарговых скаргаў былых кандыдатаў у дэпутаты. Чатыры прэтэндэнты на дэпутацкі мандат так і не дамагліся паўторнага пераліку галасоў. У той жа час прадстаўнікі апазіцыі бюць трывогу: фальсіфікацыя парламенцкіх выбараў ставіць пад пагрозу дзяржаўны суверэнітэт Беларусі.

Адмовіцца ад ціску на Беларусь і шукаць пункты паразумення. З такімі заклікамі да Еўразвязу звярнуўся сёння Аляксандр Лукашэнка падчас прыняцця даверчых граматаў ад шэрагу замежных амбасадараў, у тым ліку краінаў Еўразвязу. Некаторыя эксперты ацэньваюць сённяшнія заявы як чарговы сігнал таго, што афіцыйны Менск жадае аднавіць дыялог. Чаму? І ці ёсць шанцы паразумецца з Еўропаю пасля сёлетніх гучных скандалаў?