Видео-новости

Ён харчуецца крывёю свойскай жывёлы. Лысы, нахабны і вельмі моцны. З падачы дзяржаўных тэлеканалаў беларусы чарговы раз пачулі пра чупакабру, перыядычнае зяўленне якой нязменна прыпадае на пагаршэнне эканамічнай сітуацыі ў краіне. У пошуках бязлітаснага драпежніка, які трымае ў страху ўвесь Старобін і ваколіцы, адважныя незалежныя журналісты выправіліся ў самае логава таямнічага звера.

Ці гатовае грамадства да таго, каб невідушчыя людзі хадзілі самастойна? Каб тыя, для каго звычайны кіёчак замяняе вочы, выйшлі з цемры сваіх кватэраў на белы свет? У Міжнародны дзень белага кія аднайменную акцыю на вуліцах сталіцы правялі актывісты Беларускага таварыства інвалідаў па зроку.

Экс-міністр замежных справаў Сяргей Мартынаў вяртаецца на высокую кіроўную пасаду. Гэтым разам -- як спецпрадстаўнік буйной... замежнай кампаніі. Новыя абавязкі Мартынава, які адпрацаваў на розных дыпламатычных пасадах Беларусі 37 гадоў, будуць перагукацца са старымі.

Палітычна матываваная ці крымінальная справа? Другі месяц у берасцейскім СІЗА ўтрымліваецца грамадскі актывіст Віталь Коўш. Яго вінавацяць у арганізацыі трафіку нелегалаў праз беларуска-польскую мяжу. Скандальная гісторыя распачалася ў траўні, але толькі цяпер зявіліся відэазвароты саміх нелегалаў. Яны прызналіся, як давалі паказанні, што паслужылі падставаю для абвінавачання.

Ажно 2/3 літоўцаў выступаюць супраць пабудовы новай атамнай электрастанцыі станцыі ў сваёй краіне. Пра гэта сведчаць папярэднія вынікі нацыянальнага кансультацыйнага рэферэндуму, які ладзіўся ў Літве на мінулых выходных паралельна з парламенцкімі выбарамі.

Апазіцыя перамагла на парламенцкіх выбарах у Літве, што адбыліся напярэдадні. Выбарнікі прагаласавалі супраць кіроўнай кааліцыі. Якое ж палітычнае абяднанне цяпер здолее стварыць большасць у сейме? І якімі наступствамі змена ўлады ў нашай паўночнай суседцы абернецца для беларусаў?

Яшчэ на год Еўразвяз працягнуў санкцыі супраць Беларусі. Адпаведнае рашэнне прыняла Рада міністраў замежных справаў на сённяшнім паседжанні ў Люксембурзе. Чаму пазіцыя Еўропы засталася нязменнаю? І якой рэакцыі можна чакаць ад афіцыйнага Менску?

belsat.eu

belsat.eu

belsat.eu

belsat.eu