Видео-новости

Найбольш населеная краіна свету -- Кітай -- з мільярдам і амаль чатырмастамі мільёнамі жыхароў адначасова не ўваходзіць нават у сотню дзяржаваў паводле колькасці аўтамабіляў на душу насельніцтва. А таму не здзіўляйцеся, калі, наведаўшы Паднябесную, вы ўбачыце, да прыкладу, на адным матацыкле адразу васьмярых пасажыраў! Прапаноўваю спадарству на імгненне перанесціся разам на дарогі правінцыі Ху-Нань.

Вырак у справе панк-малебну ў галоўнай царкве Расеі чакаецца праз два дні. А пакуль працягваюцца акцыі падтрымання гурта "Pussy Riot". Сваю салідарнасць выказалі прафесар з Хельсінкі, чыноўнікі з Францыі ды Нямеччыны, а таксама мэр Рэйкявіку. У праваслаўнай бажніцы аўстрыйскай сталіцы патрабавалі вызваліць Надзею Талаконнікаву, Марыю Алёхіну і Кацярыну Самуцэвіч. У Маскве ж мірная акцыя на прыступках царквы Хрыста Збаўцы выклікала рэзкую рэакцыю аховы.

Каго рэгістраваць кандыдатам у дэпутаты, а каго не? На рашэнне выбарчых камісіяў будзе ўплываць толькі... адпаведнасць заканадаўству пададзеных палітыкамі дакументаў -- цвердзіць сакратар ЦВК Мікалай Лазавік. Каму ж пашчасціла стаць кандыдатам, камісія абвесціць бліжэй да канца тэрміну рэгістрацыі -- 23 жніўня. Усім адразу.

Як выглядае наш рацыён? На гэтае пытанне сёння адказалі прадстаўнікі Рэспубліканскага навукова-практычнага цэнтру гігіены. Паводле іх даследаванняў, хібы харчавання беларусаў прыкладна такія ж, як у сярэднестатыстычнага еўрапейца.

Разам з няўхільным ростам абёмаў нерэалізаванай прадукцыі на складах айчынныя вытворцы ўсё менш атрымліваюць грошай нават за тыя вырабы, якія здолелі прадаць.

Падчас сустрэчы ў Менску з міністрам замежных справаў Расеі Сяргеем Лаўровым Аляксандр Лукашэнка выказаў сваё незадавальненне асобаю кіраўніка місіі АБСЕ ды назваў Матэа Мэкаччы недастаткова абазнаным у беларускай сітуацыі, каб ачольваць назіральніцкую місію. Парламенцкая асамблея АБСЕ на выпад адрэагавала неадкладна.

Роўна 20 гадоў таму былі ўсталяваныя афіцыйныя дыпламатычныя дачыненні незалежнай Беларусі з Расейскай Федэрацыяй. З гэтай нагоды ў Менск наведаўся міністр замежных справаў суседняй краіны. Сяргей Лаўроў сустрэўся з Аляксандрам Лукашэнкам і сваім калегам Сяргеем Мартынавым.

6601 дзень кіруе Беларуссю Аляксандр Лукашэнка. Дакладна столькі ж кіраваў Савецкім Саюзам Леанід Брэжнеў. І той, і другі прыйшлі да ўлады, як падавалася паплечнікам, на некаторы час. Аднак затрымаліся надоўга.

Урывак з фільму "Маленькая калядная казка". Арыгінальная назва: En liten julsaga. Агучка: "Беларускі Гальфстрым". У маленькай дзяўчынкі ?ны была любімая цацка -- мядзьведзік Ну-ну. Яна яго насіла паўсюль і заўсёды. Але аднойчы ў мэтро мядзьведзік згубіўся. Ну-ну трапляе ў розныя прыгоды, да розных людзей, і ўрэшце, напярэдадні Калядаў, ён цудам вяртаецца да ?ны.

belsat.eu

belsat.eu

Выпускнік юрыдычнага факультэту Лукаш хоча займацца фатаграфіяй і не бачыць сябе юрыстам. Ягоны бацька просіць свайго старога сябра, адваката Вільчэка, пагутарыць з маладзёнам аб прафесіі праўніка. belsat.eu