Видео-новости

Поўны тэкст размовы тут belsat.eu

Выселіць без кампенсацыі ды права на кватэру такой жа вартасці. Жыхары аднаго з берасцейскіх дамоў, што месціцца ў цэнтры гораду, аказаліся не толькі пад пагрозаю вялікіх стратаў, але і ў небяспецы для здароўя. Гарадскія ж улады скаргаў людзей чуць не жадаюць.

Вырак беларусу -- пяць содняў за плакат падтрымання роднай мовы -- справядлівы. Такое рашэнне прыняў сёння Менскі гарадскі суд у адказ на скаргу Гэніка Лойкі. У ёй скульптар звяртаў увагу, што і падчас судовага працэсу яму забаранілі карыстацца роднаю моваю.

Расследаванне страляніны ў Менску працягваецца, аднак галоўны фігурант крымінальнай справы зехаў з Беларусі. Расейскі неанацыст Максім Марцінкевіч, якога вызвалілі з ізалятару пад падпіску аб нявыездзе, ужо на радзіме. Праўда, ён запэўнівае, што вернецца ў Менск на першае патрабаванне следчых.

Беларускія мытнікі далі справаздачу сваёй дзейнасці за мінулы год. Цягам 2012-га яны выявілі ды папярэдзілі больш за 15 тысяч парушэнняў заканадаўства. Службоўцы падзяліліся і важнымі навінамі для законапаслухмяных грамадзянаў: правілы мінання мяжы для прыватных асобаў застануцца без зменаў.

Не моцна адрозніваецца сітуацыя з успрыняццем гэтай постаці ў Расеі. Дэсталінізацыя таксама не была тут праведзеная да канца. А таму з года на год папулярнасць "правадыра ўсіх краінаў і народаў" расце -- адзначаюць расейскія сацыёлагі. Пра прычыны здагадацца няцяжка -- яна таксама хаваюцца ў цяперашняй дзяржаўнай палітыцы.

У Менск прыбыла дэлегацыя Бюро дэмакратычных інстытутаў і правоў чалавека АБСЕ. Сустрэчы з прадстаўнікамі ўлады, апазіцыі ды грамадзянскай супольнасці працягнуцца цягам трох дзён. Але найперш дарадцы АБСЕ сустрэліся з журналістамі. Пра мэты візіту -- з першых вуснаў.

Роўна 60 гадоў таму пайшоў з жыцця адзін з самых жорсткіх дыктатараў у гісторыі чалавецтва. Палітыка Іосіфа Сталіна пакінула крывавы след у гісторыі і нашай краіны. Аднак сённяшнія ўлады Беларусі замоўчваюць ягоную віну ў забойстве ды рэпрэсаванні сотняў тысяч нашых суайчыннікаў. Ды больш за тое -- шукаюць станоўчыя моманты, а ў нечым і наследуюць метады кіравання Сталіна.

belsat.eu

Падрабязнасці тут: belsat.eu

belsat.eu

Дзень жанчын на канале belsat.eu

Відэанарыс Свабоды пра комплекс «Лінія Сталіна», што пад Менскам.