Видео-новости

Ад тых жудасных кастрычніцкіх вечароў, калі расстралялі сотні найлепшых прадстаўнікоў беларускага народу, мінула 75 гадоў. З гэтай нагоды ў сталіцы сустрэліся сваякі рэпрэсаваных. Не меншаю трагедыяй для беларусаў яны лічаць замоўчванне ўладамі ды няведанне маладым пакаленнем тых трагічных падзеяў.

Канец "сакрэтнай" вайны. Мітынгі, страйк і шматлікія лісты да ўладаў далі вынік. Працяглае супрацьстаянне паміж бізнесоўцамі ды адміністрацыяй гомельскага гандлёвага цэнтру "Сакрэт" скончылася саступкамі апошняй

Нестабільная фінансавая сітуацыя адбіваецца і на настроях людзей. Каля ста работнікаў "Полацк-шкловалакна" адмовіліся плаціць унёскі афіцыйнаму прафсаюзу. Некалькі дзясяткаў з іх увогуле выйшлі з арганізацыі.

Да вялікіх дасягненняў кіраўнікі-спартоўцы Беларусі не прывялі. Ці стане медалёў больш, калі галіною пачнуць кіраваць сілавікі? З Міністэрства надзвычайных сітуацыяў у Міністэрства спорту і турызму перайшоў Ігар Шамко. А былога кіраўніка Памежнага камітэту Ігара Рачкоўскага Аляксандр Лукашэнка хоча бачыць віцэ-прэзідэнтам Нацыянальнага Алімпійскага камітэту.

Не карыстаецца папулярнасцю і яшчэ адзін -- дзяржаўны эксперымент. Пажыццёвае ўтрыманне для пенсіянераў узамен на кватэру. Як паведамілі сталічныя ўлады, за 2 гады толькі 5 чалавек скарысталіся з гэтай сацыяльнай паслугі Менгарвыканкаму.

Беларусы прагаласавалі супраць увядзення ў краіне новай сістэмы аплаты за электраэнергію. Такія звесткі апытання, якое правяло "Белэнерга" на сваім сайце. Пераважная бальшыня тых, хто ўзяў удзел у галасаванні, хацела б захаваць дзейную сістэму аплаты.

Краіна -- на парозе новага крызісу. Банкам не стае рублёў, і яны вымушаныя павышаць стаўкі на дэпазітах у айчыннай валюце. А тым часам з усходу замест чаканых крэдытаў не толькі патрабуюць вярнуць паўтара мільярда долараў мыта за расейскую нафту, але і прадказваюць балючую дэвальвацыю. Чым Менск можа адказаць на крытыку Масквы і ці гатовыя ўлады плаціць паводле рахункаў?

27 кастрычніка 2012 года Еўрапейскі гуманітарны ўніверсітэт у Вільні правёў Дзень адчыненых дзвярэй. Чым беларуская вну ў выгнанні вабіць абітурыентаў і іх бацькоў?

Фільм на Белсаце 2 лістапада 21:40

Дакументальны цыкл Белсату belsat.eu

belsat.eu

belsat.eu