Видео-новости

Некаторыя беларускія медыі ўжо назвалі скандалам зварот Зянона Пазняка да ўдзельнікаў Дзядоў у Лошыцкім яры. У звароце гісторыка Ігара Кузняцова сярод іншага названа падпалкоўнікам, што ладзіць «экскурсіі ілжы для замежнікаў і дыпламатаў» з мэтаю «фальсіфікацыі Курапатаў і польскай нацыянальнай памяці, з мэтаю выклікаць непаразуменні паміж беларусамі і палякамі».

„Менавіта ў Лошыцкім яры былі растрэленыя прадстаўнікі беларускай эліты, пісьменнікі", - гаворыць намеснік старшыні КХП -- БНФ Юрый Беленькі. ВІДЭА З АКЦЫІ ТУТ: belsat.eu

Вялікая колькасць удзельнікаў. Слёзы радасці ды пераможная карона. Эмоцыі і напружанасць, як на класічным конкурсе прыгажосці. Ужо сёмы раз у Тайландзе вызначалі самага прыгожага... транссексуала.

БАРАЦЬБА ЗА ГАЛАСЫ У 211-й акрузе Кіева пасля доўгага і праблемнага падліку галасоў перамог ўсё ж прадстаўнік апазіцыі Сяргей Цярохін. У шэрагу акруг краіны яшчэ галасы падлічылі не да канца, а ў справе 132-й акругі ў Первамайску, дзе спецназ выкарыстаў слезацечны газ, распачалІ дзве крымінальныя справы. Пасля штурму байцамі спецназу акруговай выбарчай камісіі ды вынасу бюлетэняў колькасць галасоў кардынальна змянілася -- на карысць прадстаўніка ўладаў.Да гэтага часу ва Украіне ўсцяж падводзяць вынікі выбарчай кампаніі.

Дзяды -- адзін з найстаражытнейшых звычаяў беларусаў, у якім цесна перапляліся і паганскія, і хрысціянскія традыцыі. Гэтымі днямі памерлых продкаў згадваюць у розных краінах свету, адпраўляюць ўрачыстыя набажэнствы і наведваюць месцы пахавання. За нацыянальнаю памяццю, якая не ведае межаў, сачылі і нашыя журналісты.

130 гадоў таму ў Менскай губерні ў сямі лесніка Міхаіла Міцкевіча нарадзіўся хлопчык Кастусь. Чалавек, якога кожны беларус ведае пад творчым псеўданімам Якуб Колас. Даўно прызнаны класік беларускай літаратуры сваёй творчасцю будзіў розум людзей ды фармаваў сучасную літаратурную мову.

З вуснаў першага віцэ-прэмера ўраду Уладзіміра Сямашкі напярэдадні прагучала заява, якая засталася па-за ўвагаю дзяржаўнага тэлебачання. Чыноўнік адзначыў, што каб вытрымаць заяўленыя тэмпы росту інфляцыі, да канца года неабходна замарозіць цэны на шырокі спіс тавараў. Эксперты ж кажуць, што клопат ураду за сваю статыстыку можа адбіцца на дабрабыце грамадзянаў.

«Становіцца зразумела, што насельніцтва старэе, колькасць працаўнікоў, здольных забяспечваць сваймі адлічэннямі Фонд сацыяльнага страхавання, становіцца менш. Нагрузка павялічваецца, і гаворка ідзе пра тое, што грошай становіцца ўсё менш для будучых пенсіянераў», -- канстатуе Сяргей Чалы.

«Як мы ходзім на магілы нашых дзядоў і прадзедаў, каб узгадаць іх, аддаць дадніну павагі, гэтак мы сёння ідзем і на магілы нашых выбітных беларусаў, што знайшлі спачын тут, у Варшаве. Усе яны тут апынуліся толькі з той нагоды, што змагаліся за Беларусь, яны былі вымушаныя зехаць, уцякаць, былі пад пераследам. Так атрымалася, што ў многіх няма дзяцей, сваякоў -- нікога. Да такіх людзей павінны прыходзіць усе беларусы, павінны іх памятаць», - гаворыць кіраўнік арганізацыі «Беларуская нацыянальная памяць» Анатоль Міхнавец.

belsat.eu

Гарадзенская галерэя «Крыга» другі год запар ладзіць выставу, прысьвечаную сьвятому Губэрту, сьвята якога прыпадае на 3 лістапада. Дні сьвятога Губэрта лічацца ў Горадні альтэрнатыўным днём гораду. Багата мерапрыемстваў адбудуцца ў суботу. www.svaboda.org

Папулярнае ў народзе "чарніла", як яшчэ называюць таннае пладова-ягаднае віно, нарэшце трапіць пад забарону. Аднак... толькі ў Менску. І толькі на два месяцы -- з 1 снежня да 1 лютага. Забарону на рэалізацыю гэткай прадукцыі ўжо зацвердзілі сталічныя ўлады. Паводле намесніка старшыні Менгарвыканкаму Уладзіміра Калтовіча, калі "чарнільны" мараторый дасць станоўчы эфект, яго працягнуць. Менчукі па-рознаму ўспрымаюць гэтае рашэнне.

Пяць дзён ва Украіне лічаць галасы. У Мікалаеўскай вобласці мясцовыя ўлады далучылі да падліку спецназ. Уначы байцы "Беркута" сілаю вынеслі са 132-й выбарчай камісіі ў Першамайску ўсе арыгіналы пратаколаў галасавання на выбарах у Раду.