Видео-новости

У доўгім працэсе аб "кубіках" расстаўленыя кропкі над "і". Ці чакаць працягу? Цэнтральны суд сталіцы закрыў адміністратыўную справу супраць мастакоў, затрыманых на Кастрычніцкай плошчы падчас арт-перформансу. Удзельнікі праекту выйшлі на плошчу з геаметрычнымі фігурамі, а сышлі з абвінавачаннем у непадпарадкаванні міліцыі.

Аляксандр Лукашэнка сёння зноў загаварыў пра неабходнасць развіваць беларускі экспарт. Паводле яго, чыноўнікі мусяць "грунтоўна пахаць", каб айчынная прадукцыя паспяхова прадавалася за мяжу. Эксперты звязваюць такія заявы з нафтавымі непаразуменнямі з Расеяй, у выніку якіх сальда замежнага гандлю апусцілася ў адмоўную зону.

Чым пазней выйдзеш на пенсію, тым больш атрымаеш. Аляксандр Лукашэнка падпісаў закон аб зменах у пенсійным праве. Цяпер грамадзяне, якія дасягнулі пенсійнага веку, але працягваюць працаваць, могуць разлічваць на дадатковыя выплаты пасля канчатковага адыходу на заслужаны адпачынак. Незалежныя ж аналітыкі хоць і называюць гэткі крок вымушаным, але параўноўваюць яго... з гульнёю на таталізатары.

Новыя звесткі пра смерць былога працаўніка КДБ -- падпалкоўніка Аляксандра Казака. Гэтым разам -- не з ананімнай крыніцы, а ад ужо былых суседзяў нябожчыка. Чальцы кааператыву "Пейзаж" пацвердзілі журналістам радыё "Свабода", што Аляксандр Казак быў знойдзены ў лесе, застрэлены са стрэльбы.

Крытыка, разуменне, расчараванне, а для кагосьці -- палёгка. Рашэнне экс-кандыдата на прэзідэнта Андрэя Саннікава атрымаць палітычны прытулак у Вялікабрытаніі выклікала неадназначнае стаўленне ў розных частак грамадства. Сам палітык, вытрымаўшы паўзу, даў першае разгорнутае інтэрвю пасля адезду агенцтву "Ройтэрз".

belsat.eu

belsat.eu

belsat.eu

Дакументальны фільм на Белсаце 4 лістапада 19:55

Праграма Белсату belsat.eu

Фільм на Белсаце 3 лістапада