Видео-новости

belsat.eu

«У Беларусі адсутнічае сыстэма аўтарытэтаў». Новы выпуск перадачы Сяргея Будкіна "Белы сьпіс" - пра Сяргея Скрыпнічэнку - заснавальніка, гітарыста, вакаліста, аўтара тэкстаў і музыкі гурта ?ygimont VAZA www.svaboda.org

Праграма "Белсату". Глядзець тут: belsat.eu

Відэа belta.by. belsat.eu

ГЭТЫМ РАЗАМ БЕЗ «ЕЎРА» Моладзевая зборная нашай краіны па футболе правяла сёння заключны матч адборачнага турніру на чэмпіянат Еўропы -- 2013. На полі гарадскога стадыёну ў Барысаве дружына Аляксея Вяргеенкі перамагла Сан-Марына 1:0, адзіны гол забіў Арцём Быкаў. Яшчэ ў дзвюх сустрэчах нашай групы Нямеччына разышлася мірам 4:4 з Босніяй і Герцагавінаю, а Грэцыя перамагла Кіпр 1:0. Такім чынам, мы скончылі адбор на 4-м месцы ў нашым секстэце, з першага месца ў плэй-оф крочыць Нямеччына, а Боснія і Герцагавіна пачакае вынікаў у астатніх групах, каб даведацца, ці будзе яна адною з чатырох камандаў з найлепшым паказнікам на другім месцы, і таксама працягне барацьбу.

Не толькі вырошчваннем бульбы слаўныя беларусы. Кірмаш не зусім уласцівай -- для нашых шыротаў -- спецыялізацыі прайшоў у Пінску. Там сабраліся вінаградары. А якімі гатункамі салодкай ягады ды вінных напояў частавалі наведнікаў?

Гэта мае стацца новым мастацкім унёскам у культурнае жыццё Варшавы... Ідзе зборка рэкордна вузкага архітэктурнага праекту -- дома, уціснутага ў шчыліну паміж двума іншымі дамамі. 120 сантыметраў шырыні -- сцісла... і нясціпла: жыхар навабуду будзе весці адкрыты лад жыцця.

Вялікі парад перамогі на вуліцах Лондану стаўся фінальным акордам у сёлетніх Алімпійскіх і Паралімпійскіх гульнях. Галоўная ж развітальная цырымонія адбылася напярэдадні. Падчас шоу пад назваю Фестываль агню эстафету Паралімпійскіх гульняў перадалі Рыа-дэ-Жанэйра.

Нашыя ўсходнія суседзі ўсё больш сумняюцца ў выгодах Сусветнай гандлёвай арганізацыі. Гэта вынікае з апошняга апытання Усерасейскага цэнтру даследавання грамадскай думкі. Толькі траціна расейцаў мяркуе, што ўступленне ў СГА адпавядае інтарэсам Расеі.

Старшыня Палаты прадстаўнікоў Уладзімір Андрэйчанка сёння пераконваў назіральнікаў АБСЕ: улады краіны стварылі ўсе неабходныя ўмовы для правядзення справядлівых і празрыстых выбараў. Усцяж не пагаджаюцца з гэтым апазіцыйныя кандыдаты. Яны заяўляюць пра перашкоды з боку вертыкалі.

«Прытулак для забойцаў» -- гэтак Беларусь назвалі кыргызскія пратэстоўцы, якія сабраліся сёння на чарговы мітынг пад сценамі беларускай амбасады ў Бішкеку. Віктар Дзенісенка -- кіраўнік дыпламатычнага прадстаўніцтва -- прыняў заяву ад мітынгоўцаў. Але пры гэтым назваў сябе простым жаўнерам, «за якім стаяць генералы: што яны скажуць, тое і будзе».

План інфляцыі сёлета, хутчэй за ўсё, будзе выкананы. Гэта вынікае з інфармацыі пра інфляцыйныя працэсы ў жніўні, якія апублікаваў сёння Белстат. Аднак... негатыўныя тэндэнцыі ў эканоміцы нарастаюць.

Сёння знайшлася кандыдатура і на «шчаслівую» пасаду -- амбасадара Беларусі ў Расеі. Папярэдні пасол Андрэй Кабякоў цяпер узначальвае Адміністрацыю прэзідэнта. Новым жа Надзвычайным і Паўнамоцным паслом у Расейскай Федэрацыі Аляксандр Лукашэнка прызначыў Ігара Петрышэнку, які дагэтуль працаваў першым намеснікам міністра замежных справаў.

Сёння адбыліся новыя кадравыя прызначэнні. Новым камандуючым Ваенна-паветранымі сіламі і войскамі супрацьпаветранай абароны краіны стаў Алег Дзвігалёў, заняўшы такім чынам адно з самых нестабільных месцаў у сілавых структурах. Нарадзінец Мурманшчыны, раней ён працаваў начальнікам Галоўнага штабу ВПС.