Видео-новости

belsat.eu

Мастацкі фільм на "Белсаце" у нядзелю 9 верасня, 22:35

Праграма Лявона Вольскага на "Белсаце" кожную суботу, 20:45

Публіцыстычная прагарама на "Белсаце". Глядзець тут: belsat.eu

«Як мы і меркавалі, -- гаворыць Андрэй Бандарэнка, -- у пазоўніка няма ніякіх падставаў для таго, каб нас ліквідаваць. Мы былі вельмі здзіўленыя з таго, што з усіх доказаў таго, што мы нібыта не знаходзімся па месцы рэгістрацыі, яны спасылаюцца на нейкія лісты і на правяранне, праведзенае сярод уласнікаў будынку, дзе мы арандуем памяшканне. Зразумела, што ўласнікі не маглі нічога сказаць пра тое, хто мы і дзе працуем. Відаць, для суда гэтых доказаў было недастаткова, таму паседжанне перанеслі на 9 кастрычніка.

Ён ужо ўтаймоўваў тыграў і тушыў пажары за стырном самалёта. Уладзімір Пуцін чарговы раз узяў на сябе ролю ратавальніка ды заняў месца важака... чарады белых журавоў. Птушкі, якім пагражае знікненне, былі выгадаваныя ў няволі, і прэзідэнт Расеі меў паказаць ім шлях у вырай. Ужо само паведамленне пра меркаваную акцыю ўскалыхнула інтэрнэт і нарадзіла безліч жартаў і карыкатураў. Мы ж проста прапаноўваем згадаць незвычайныя выправы Пуціна без каментара.

Жыхары гістарычнага цэнтру сталіцы працягваюць барацьбу за сваё жытло. Сталічныя чыноўнікі паведамілі, што дом 32 на вуліцы Рэвалюцыйнай -- у аварыйным стане, і жыхароў неабходна тэрмінова высяляць. З нязгоднымі перамоваў не вядуць -- іх пачалі шантажаваць.

У Вялейскай выбарчай акрузе за мандат дэпутата змагаюцца толькі два кандыдаты. Але адметнасць у тым, што адзін з іх -- добра вядомы ў горадзе прадстаўнік апазіцыйнай Абяднанай грамадзянскай партыі, а вось другі -- Камітэту дзяржаўнай бяспекі. Аднак падобна, што ў дзень выбараў у бюлетэнях выбарцы пабачаць толькі адно прозвішча. Чаму?

Дыферэнцыяваныя тарыфы на аплату электраэнергіі, распрацаваныя "Белэнерга", ёсць эканамічна абгрунтаванымі, прывязанымі да ўзроўню заробкаў насельніцтва, а таму не моцна ўдараць па кішэні звычайных беларусаў. У гэтым сёння пераконвалі журналістаў прадстаўнікі кіраўніцтва гэтай арганізацыі.

7 гадоў калоніі ды канфіскацыя маёмасці за хабар у асабліва буйным памеры. Такі прысуд былому намесніку кіраўніка Віцебскага аблвыканкаму Леаніду Кавалёву агучыў Менскі гарадскі суд. Хабар складаў каля 2500 еўраў. Што праўда, адзін год чыноўніку адразу "скасцілі" паводле амністыі.

Вярхоўны Суд краіны разгледзеў сёння апошнія скаргі на нерэгістрацыю кандыдатамі. Цуду не адбылося: апазіцыянерам Артуру Фінкевічу і Міхасю Пашкевічу ў магчымасці балатавацца адмовілі. Увечары да справы далучылася міліцыя. Яе працаўнікі зявіліся ў офісе кампаніі "Гавары праўду!", каб учыніць ператрус.

«У Саакашвілі з Лукашэнкам раман» Парлямэнцкія выбары ў Грузіі адбудуцца на наступных выходных пасьля выбараў у Беларусі. Калі ў Менску інтрыгі не чакаецца, то сытуацыя ў Грузіі можа памяняцца калі не на 180 градусаў, то хаця б зрабіць паварот. Як можа памяняцца сытуацыя? За што крытыкуюць Саакашвілі і чаму ён так сябруе з Лукашэнкам? Пра падабенствы і адрозьненьні гутарым з прафэсарам Каўкаскага унівэрсытэту і Амэрыканскага ўнівэрсытэту Public Administration у Грузіі, заснавальнікам і кіраўніком Рэспубліканскага інстытуту, а цяпер — адным зь лідэраў апазыцыйнай кааліцыі «Грузінскай мара» Леванам Бэрдзэнішвілі.