Видео-новости

Каардынатар грамадзянскай кампаніі «Еўрапейская Беларусь» Зміцер Бандарэнка з ліпеня папраўляў здароўе ў Польшчы і збіраўся ляцець у Менск. Аднак з увагі на пераслед апазіцыі ў Беларусі, які абвастрыўся пасля палёту шведскіх пілотаў, ён вырашыў пакуль «узяць паўзу» і не вяртацца на радзіму. belsat.eu

Андрэй Куціла -- дасьведчаны дакумэнталіст маладога пакаленьня. Удзельнік і пераможца міжнародных фэстываляў («Фокусная адлегласьць», 2008 г., у суаўтарстве з Раманам Рамашкай; «Днюка», 2010 г., у суаўтарстве з Аляксандрам Налівайкам; «Даволі! Да Волі...», 2012 г., у суаўтарстве з Вячаславам Ракіцкім...).

Каўчсэрфінг -- цягам апошняга дзесяцігоддзя гэтае слова стала вельмі папулярнае сярод аматараў падарожжаў. Каўчсэрферы, ці "шукальнікі канапаў", хоць і не карыстаюцца паслугамі гатэляў у краінах, якія яны наведваюць, аднак маюць камфортныя ўмовы пражывання. Якім чынам?

Пяць краінаў за тры тыдні. Маршрут, якім рухаюцца гэтыя байкеры, быў пракладзены двума рэжымамі -- нацызмам і камунізмам. І вось ужо дванаццаты раз Катынскі рэйд выпраўляецца з Варшавы на ўсход -- у Літву, Беларусь, Украіну і Расею.

Удзельніцы панк-гурта "Pussy Riot", што засталіся на волі, працягваюць змагацца "за права спяваць, думаць і крытыкаваць". Спосаб, якім дзяўчаты гэта робяць, зноў прыцягнуў увагу ўсяго свету. Тым разам ад дзяўчат перапала не толькі расейскаму прэзідэнту, але і беларускаму.

Мінуў год з дня авіякатастрофы, у якой загінула каманда яраслаўскага "Лакаматыву". Самалёт з хакеістамі на борце ляцеў на хакейны матч у Менск, аднак недалёка ад Яраслаўлю пацярпеў крушэнне. Трагедыя закранула і нашую краіну. У катастрофе загінулі трое беларусаў -- абаронца "Лакаматыву" Руслан Салей, нападнік Сяргей Астапчук і трэнер Мікалай Крываносаў.

"Малады фронт" усцяж малады, але ў пэўным значэнні -- сталы. Найстарэйшая сучасная моладзевая арганізацыя адзначае 15-годдзе сваёй дзейнасці. На юбілеі маладафронтаўцы не толькі прымалі віншаванні, але і згадвалі багатую гісторыю арганізацыі ды яе мужных лідараў.

Бліскучы палітык і дзяржаўны дзеяч у найноўшай беларускай гісторыі. Сёння Віктару Ганчару споўнілася б 55 гадоў. Палітык знік у 1999 г. -- пасля таго, як спрабаваў ініцыяваць працэдуры адхілення Аляксандра Лукашэнкі ад улады.

Перадвыбарчая гонка набірае абароты. Што праўда, не столькі кандыдаты актыўна ганяюцца за галасамі выбарцаў, колькі ўлады -- за актыўнымі апазіцыянерамі. Колькасць паведамленняў пра папярэджанні, ператрусы і затрыманні грамадскіх актывістаў расце штодня.

"Млявасць і нецікавасць" сёлетніх выбараў, на якія скардзіліся ў Цэнтрвыбаркаме, можа скончыцца. Тэлевыступ кандыдата Лябедзькі выбарцы і ўлады забудуць не хутка! Прамову кіраўніка Абяднанай грамадзянскай партыі беларускія інтэрнэт-выданні літаральна адразу разабралі на цытаты.

Паводле Святланы Вінаградавай, затрыманне звязанае з заўтрашнім святкаваннем Дня гораду ў Менску. "Перад кожным святам, перад прыездам высокапастаўленых асобаў Пашу ды іншых хлопцаў затрымліваюць, гэта ўжо сталася нормаю. З гэтым трэба змагацца, але я пакуль не бачу шляхоў", -- гаворыць Святлана.