Видео-новости

Дакументальны фільм на "Белсату". Глядзець тут: belsat.eu

Старшыня праўлення Нацыянальнага банку Беларусі ўвайшла ў дзясятку найгоршых кіраўнікоў цэнтрабанкаў свету. Такую ацэнку працы Надзея Ермакова атрымала з боку ўплывовай міжнароднай фінансавай арганізацыі "Global Finance".

Заклікі да байкоту -- па-за законам! А замест прамовы кандыдата -- краявіды ці класічная музыка. Цэнзура ў Беларусі выявілася і падчас выбарчай кампаніі.

Эквадор не выдасць Аляксандра Баранкова. Былога міліцыянта ў Беларусі абвінавачваюць у махлярстве і вымагальніцтве, аднак суд у Кіта прызнаў, што статус палітычнага ўцекача той атрымаў згодна з заканадаўствам.

Беларуская пракуратура ўжо рыхтуе дакументы для экстрадыцыі былога гендырэктара «Пінскдрэву», якога сёння затрымалі ў Польшчы. Ад крымінальнага пераследу, распачатага пасля гібелі 14-ці чалавек ад выбуху на прадпрыемстве, Ларан Арыніч хаваўся ля гораду Радам, дзе яго і знайшла польская паліцыя.

Ніхто гэтак актыўна не змагаецца за адмену санкцыяў, як самы багаты чалавек Беларусі --Уладзімер Пефціеў. І ён мае першую перамогу. Цяпер мяч -- на полі літоўскага МЗС, які збіраецца абскардзіць рашэнне віленскага акруговага адміністратыўнага суда, што задаволіў пазоў мільярдэра і ануляваў рашэнне замарозіць рахункі Пефціева ў еўрапейскіх банках.

Не сціхае рэха скандалу, што прагрымеў на заходнім кірунку вонкавапалітычнай дзейнасці афіцыйнага Менску. Паляцелі... чарговыя галовы. Аляксандр Лукашэнка вызваліў ад пасады Андрэя Грынкевіча -- пасла Беларусі ў Швецыі, Даніі ды Нарвегіі. Прэзідэнцкім указам пасады пазбаўлены таксама намеснік старшыні Дзяржаўнага памежнага камітэту генерал-маёр Дзмітрый Шугай. Афіцыйная нагода -- пенсійны ўзрост.

Пакуль расце напружанне на лініі Менск--Бішкек, Аляксандр Лукашэнка ўмацоўвае дачыненні з закаўказскім саюзнікам. Завершыўся двухдзённы візіт у беларускую сталіцу лідара Азербайджану. Цікава, што сустрэча супала ў часе з візітам у Маскву дэлегацыі ўзброеных сілаў Арменіі ды заявай аб пераносе вучэнняў звязу АДКБ у гэтай краіне. Дзеля чаго прылятаў у Менск Ільхам Аліеў і што ён забраў у сонечным Баку?

Каля беларускага пасольства ў Бішкеку працягваюцца пратэсты незадаволеных перабываннем у нашай краіне сямі Бакіевых. Праўда, беларускія дыпламаты пакуль не бяруць прыкладу з кіраўніка кіргізскага дыппрадстаўніцтва ў Менску, што на нявызначаны тэрмін вярнуўся на Радзіму. Але ўсё бліжэй момант, калі выкананне прафесійных абавязкаў у Бішкеку можа стаць немагчымым.