Видео-новости

Заўтра школы Гомельшчыны наведаюць працаўнікі КДБ. Аднак прадстаўнікі абласнога ўпраўлення Камітэту не будуць праводзіць там спецаперацыі -- беручы ўдзел ва ўрачыстых лінейках, яны плануюць палепшыць імідж сваёй установы. belsat.eu

Заўтра школы Гомельшчыны наведаюць працаўнікі КДБ. Аднак прадстаўнікі абласнога ўпраўлення Камітэту не будуць праводзіць там спецаперацыі -- беручы ўдзел ва ўрачыстых лінейках, яны плануюць палепшыць імідж сваёй установы. У Кляпінскую школу-сад дзядзькі-чэкісты прыедуць з падарункамі -- тэлевізарам і школьнымі прыладамі для першакласнікаў. Яшчэ адна дэлегацыя наведае Завойцянскую школу-сад. Для падшэфных першаклашак сілавікі сабралі... партфелі ды набылі на патрэбы школы прынтар.

Спачатку ўлады абмежавалі ў правах музыкаў, цяпер пачалі пераследаваць іхных прыхільнікаў. Такою заяваю гурт "Ляпіс Трубяцкой" адрэагаваў на затрыманне мадэратараў апазіцыйных суполак у сацыяльных сетках. ГУРТ «ЛЯПІС ТРУБЯЦКОЙ»: "Нягледзячы на тое, што гурт "Ляпіс Трубяцкой" не меў ніякага дачынення да гэтай суполкі і не планаваў у бліжэйшы час даваць канцэрту ў Менску (бо трапіў у чорны спіс забароненых у Беларусі калектываў), мы лічым сваім абавязкам падтрымаць затрыманых".

Страшная трагедыя ў Азербайджане. Пасажырскі аўтобус сутыкнуўся з цягніком. Шасцёра чалавек загінулі, каля паўсотні -- параненыя. Паводле папярэдняй версіі дарожнай паліцыі Азербайджану, на чыгуначным пераездзе каля Баку кіроўца аўтобусу вырашыў праскочыць перад блізкім цягніком, абехаў шлагбаум, аднак не паспеў завершыць манеўру. Цяпер віноўнік здарэння ў шпіталі, у цяжкім стане. Аўтобус вёз на працу жыхароў пасёлку Лёкбатан, што непадалёк ад азербайджанскай сталіцы. Большасць пасажыраў -- працаўнікі нафтаперапрацоўчай прамысловасці.

ВЫНІКІ НА ЛЮБЫ ГУСТ З пераменным поспехам выступаюць беларускія каманды на 40-й мужчынскай і 25-й жаночай Сусветных шахматных Алімпіядах, што праходзяць у Стамбуле. У мужчынаў ад Беларусі ў трох першых турах за стол сядалі Кірыл Ступак, Уладзіслаў Кавалёў, Андрэй і Сяргей Жыгалкі, а таксама Віталь Цецераў. І пакуль займалі толькі 41-е месца са 150 краінаў-удзельніцаў. Першыя тры -- ЗША, Кітай, Нямеччына. Сёння гуляем з 60-ю ў гэтым спісе -- камандаю Перу. За жаночую зборную Беларусі фігурамі рухаюць Ганна Шарэвіч, Ланіта Сцяцко, Таццяна Рэва, Марыя Невясёлая і Настасся Зязюлькіна.

Без тлумачэння прычынаў Менскі гарадскі суд адклаў вынясенне выраку віцебскаму чыноўніку Леаніду Кавалёву. Нечаканаму павароту ў гучнай карупцыйнай справе папярэднічалі новыя выказванні прэзідэнта пра карупцыю. Аднак пра няўхільны намер канчаткова перамагчы карупцыю Аляксандр Лукашэнка казаў і васямнаццаць гадоў таму.

Вярнуцца да прынцыпаў савецкай школы і зноў зрабіць ураўнілаўку? З прапановаю ліквідаваць гімназіі ды ліцэі выступілі дэпутаты Палаты прадстаўнікоў. Што ж не даспадобы народным абраннікам у заходняй мадэлі школы і чаму лепш, каб беларускія вучні былі роўныя, а не выбітныя?

Заробкі бюджэтнікаў ад заўтра павялічацца -- павышаецца тарыфная стаўка першага разраду. Але чакае беларусаў і шэраг падаражанняў. Якія яшчэ змены ў эканоміцы адбудуцца з 1 верасня і як адабюцца на нашых гаманцах? Адразу на 7,1 % павышаецца стаўка першага разраду, а гэта значыць, што заробак бюджэтнікаў вырасце ў сярэднім на 6,1 %. Захада гэтая, паводле ўраду, мае кампенсаваць рост спажывецкіх коштаў, якія паводле апошніх звестак ад пачатку года выраслі амаль на 15 %.

Адміністратараў апазіцыйных інтэрнэт-суполак, затрыманых напярэдадні працаўнікамі КДБ, прыгаварылі да адміністратыўных арыштаў. Працягваецца і зачыстка апошняй дагэтуль адносна свабоднай зоны ў Беларусі -- інтэрнэту. Камітэтчыкі ўзламалі групы ў сацыяльных сетках, дзе карыстальнікі выказвалі свае меркаванні адносна ўладаў. Ці атрымаецца арыштамі, запалохваннямі ды ператрусамі спыніць апазіцыйны інтэрнэт-рух?

Эстонскія праграмісты стварылі гульню «Angry Kremlins» - аналаг вядомай і шалёна папулярнай «Angry Birds». Толькі замест птушак там можна стрэліць галавою Уладзіміра Пуціна ці Патрыярха Кірыла.

belsat.eu

Гаспадар хутара "Шаблі" пад Валожынам Уладзімір Шаблінскі распавядае, чаму гарадскія вяртаюцца на вёску, і якая карысць з гэткай міграцыі беларусам. Рэпартаж прэзентаваны беларуска-польскай здымачнай групай, што ездзіць па Беларусі і робіць цыкл міні-фільмаў пад назваю "Апантаныя". Мэта - паспрабаваць зразумець, ці ёсць ў Беларусі грамадзянская супольнасць і як дзейнічаюць грамадскія арганізацыі і цікавыя ініцыятывы. Пабачыць іншыя відэа з цыклу "Апантаныя" можна па гэтай спасылцы www.

Праўдападобна, што кіроўца пасажырскага аўтобуса праігнараваў чырвонае святло на чыгуначным пераездзе. Аўтобус адкінула на некалькі метраў, 6 чалавек загінулі на месцы, яшчэ 47 моцна пацярпелі.

?? У новым сезоне "Белсат" адкрывае інфармацыйна-публіцыстычны блок