Видео-новости

АЛІМПІЙСКАЯ КВАЛІФІКАЦЫЯ Беларускія спартоўцы ў акадэмічным веславанні не здолелі папоўніць сваёй скарбонкі пуцёўкамі на алімпіяду ў Лондан. На апошняй кваліфікацыйнай рэгаце ў Швейцарыі ніводны з 4-х нашых экіпажаў у лік алімпійцаў не трапіў. Адзначу, што за бортам галоўнага спартовага форуму 4-годдзя засталіся і прызёры алімпіяды ў Афінах Юлія Бічык і Наталля Гелах. Такім чынам, на гульнях у Лондане ў "акадэмцы" Беларусь рэпрэзентуюць: двухразовая алімпійская чэмпіёнка Кацярына Карстэн і мужчынская чацвёрка аднавёславая без стырнавога -- Аляксандр Казубоўскі, Станіслаў Шчэрбачэня, Дзяніс Мігаль і Вадім Лялін.

Вечарына ў гонар Кастуся Каліноўскага? На жаль, не ў Беларусі, не ў Горадні. Імпрэзу, якую анансавалі на сённяшні вечар, забаранілі. Хіба што пазайздросціць у гэтай сітуацыі можна літоўцам. Наступны год Сейм Літвы абвесціў Годам паўстання 1863 года. Чаму толькі суседзі ўшаноўваюць нашую супольную гісторыю на дзяржаўным узроўні? belsat.eu

18 месяцаў пераходнага перыяду скончыліся. Хто стане наступнікам Хосні Мубарака? Сёння ў Егіпце распачаўся першы тур прэзідэнцкіх выбараў. Гэта першыя вольныя выбары за апошнія 60 гадоў. Аднак першы з двух дзён галасавання прайшоў з "арабскім каларытам" -- падчас перастрэлкі прыхільнікаў дваіх кандыдатаў на пасаду прэзідэнта забілі паліцыянта, што выпадкова трапіў пад кулі. belsat.eu

ЧЫНОЎНІК ТРАПІЎСЯ? Спартовы скандал найвышэйшага ўзроўню ва Украіне. Генеральнага сакратара Нацыянальнага алімпійскага камітэту Уладзіміра Герашчанку адсунулі ад выканання абавязкаў у сувязі з падазрэннямі... у спекуляцыі білетамі. belsat.eu

Свабоду можна будзе набыць! Следчы камітэт прапаноўвае ўвесці альтэрнатыўныя пазбаўленню волі віды пакарання. За няцяжкія эканамічныя злачынствы можна будзе адкупіцца грашовым закладам. Ці гэта азначае, што асуджаных бізнесоўцаў у нашай краіне стане сапраўды меней? belsat.eu

Замежны аўтамабіль можа стаць яшчэ даражэйшы з прычыны гэтак званага ўтылізацыйнага збору, увядзенне якога ў нашай краіне -- толькі пытанне часу. Намеснік старшыні Дзяржаўнага мытнага камітэту акрэсліў імавернасць зацверджання новага збору як "вельмі высокую". Утылізацыйны збор мае стаць альтэрнатываю існым мытам на ўвоз. belsat.eu

Недаяданне -- такі дыягназ паставіў паспалітаму беларусу Нацыянальны статыстычны камітэт. Летась кожны з нас недаатрымаў амаль 20 кг мяса і мясных вырабаў, садавіны -- 65 кг, а малака і малочных вырабаў -- ажно 220 кг. belsat.eu

Адмыванне грошай -- сурёзнае абвінавачанне, якое бе па іміджы і прэстыжы. Менавіта такі закід Міністэрства фінансаў ЗША скіравала ў бок беларускага "Крэдэксбанку". Сёння кіраўніцтва ўстановы выступіла з афіцыйным зняпраўджаннем. За банк уступілася нават МЗС Беларусі. belsat.eu

На беларуска-расейскую мяжу вярнуліся памежнікі. Намеснік старшыні Дзяржаўнага мытнага камітэту Сяргей Барысюк сёння пацвердзіў факт перыядычных праверак дакументаў з боку расейскіх памежнікаў. belsat.eu

Праграма Белсату "Рэпартэр" 24 траўня, а 21:25. Менская царква "Усіх тужлівых радасць" дае працу тым, хто не можа ўладкавацца. Бодзі-арт, арэаграфія. Мастацтва без палотнаў. Бітва народаў. Рыцарскі турнір, які прайшоў у Варшаве.

Ток-шоу Белсату "Форум" 24 траўня, а 21:50. Паводле найвышэйшых урадоўцаў, Беларусь выйшла ў сусветныя лідары ў тэмпах будаўніцтва жылля. У той жа час сотні тысяч беларусаў жывуць у кепскіх умовах. Для каго будуюцца новыя раёны? Ці першасны рынак жытла падцягвае ўсю эканоміку? Які адсотак сацыяльнага жытла ў Беларусі? Ці працуе рынак жытла паводле камерцыйных правілаў?

belsat.eu

belsat.eu

Важныя адказы на хвалюючыя пытанні, якія не ўвайшлі ў праграму. belsat.eu Хто будзе працаваць з Барадачом? Што будзе рабіць ценявы кабінет? Чаму ніколі не будзе абяднання беларускай апазіцыі? І хто ён - апазіцыянер пяцігодкі? Запрашаем! Ток-шоў Два на Два на Белсаце! www.facebook.com

belsat.eu