Видео-новости

Красавіцкі жарт прыроды -- усяго за некалькі гадзінаў сталіца пабялела. Да веснавых снежных завеяў аказаліся не падрыхтаванымі ні кіроўцы, ні камунальныя службы. У выніку толькі за ранішнія гадзіны ў сталіцы адбылося больш за паўсотню дарожна-транспартных здарэнняў. Панядзелак -- дзень цяжкі. Вядомы выраз. Аднак да сённяшняй раніцы не быў падрыхтаваны, бадай, ніхто

Нягледзячы на шэраг скандалаў, штогадовая цырымонія «Рок-каранацыі» ўсё ж адбылася, а яе пераможцы атрымалі ўзнагароды. Кароны будуць і ў наступным годзе, запэўніваюць арганізатары. Але ці будзе на каго іх ускладаць? У краіне, дзе творчасць музыкаў-іншадумцаў застаецца пад забаронаю, заняпад рокавага руху, відаць, непазбежны. Што ж яшчэ засталося ад некалі легендарнага фестывалю? У апошні момант удзел Аляксандра Кулінковіча быў адменены. «Рок-каранацыя» ў Маладзечанскім доме культуры -- фестываль для тых, каго пакуль не забаранілі.

Замкнёнасць на саміх сабе і няўменне кантактаваць з навакольным светам. Імя гэтай складанай дзіцячай хваробы -- аўтызм. Нягледзячы на ўсе страхі, звязаныя з гэтым дыягназам, сябры дабрачыннай арганізацыі «Дзеці. Аўтызм. Бацькі» перакананыя, што найлепшы лек для такіх дзяцей -- гэта любоў. У сталічнай Галерэі «Ў» яны прэзентавалі творчасць «дзяцей дажджу».

На 2 адсоткавыя пункты з сённяшняга дня знізілася стаўка рэфінансавання. Цяпер яна складае 36 % гадавых. Сваё рашэнне Нацыянальны банк патлумачыў станоўчымі тэндэнцыямі ў эканоміцы краіны.

Самы імаверны дзень парламенцкіх выбараў -- 23 верасня, пра гэта паведаміла старшыня Цэнтральнай выбарчай камісіі Лідзія Ярмошына.

Чарговая авіякатастрофа ў Расеі. Раніцою самалёт кампаніі «UTair» разбіўся адразу пасля вылету з Цюмені. 32 чалавекі загінулі, 11 цяжка параненыя. Версія тэракту не пацвердзілася. Ратаўнікі стараліся як мага хутчэй прыйсці на дапамогу тым, хто выжыў у катастрофе. Аднак нягледзячы на ўсе намаганні...

7 траўня Уладзімір Пуцін зноўку зойме крэсла прэзідэнта Расеі. Але з геапалітычнымі амбіцыямі, значна большымі за СНД. Глебу для стварэння Еўразійскага эканамічнага звязу дапамог падрыхтаваць яшчэ дзейны кіраўнік Крамля.

belsat.eu

belsat.eu

belsat.eu

belsat.eu

Што рабіць, каб крызіс вас абмінуў? Крокі развіцця малога бізнесу. Як абараніць сваё права на карыстанне роднай моваю? Серж Наўродскі запрашае на «Асабісты капітал» 3 красавіка, а 21:25.