Видео-новости

ЛІЦЭНЗАВАННЕ ПАД ПЫТАННЕМ? Футбольным клубам бабруйскай «Белшыне» і мазырскай «Славіі» адмовілі ў выдачы ліцэнзіі. Пра гэта стала вядома сёння падчас паседжання ліцэнзійнага камітэту Беларускай федэрацыі футболу. Прычына -- невыкананне фінансавых крытэрыяў. У адпаведнасці з рэгламентам вышэйназваныя каманды маюць права цягам трох дзён падаць апеляцыю ў футбольны арбітраж. На леташнім чэмпіянаце краіны «Белшына» заняла 5-е месца, а «Славія» перамагла на турніры ў першай лізе і атрымала пуцёўку ў элітны дывізіён.

Вырабы народных майстроў, рыба, кілбасы ды іншыя прадукты -- усё гэта можна было купіць на штогадовым кірмашы Казюкі ў суправаджэнні беларускіх і польскіх фальклорных гуртоў. Традыцыйна імпрэза сабрала тысячы наведнікаў, аднак, як гэта часта бывае ў Беларусі, не абышлося і без палітычнага кантэксту. belsat.eu

У Менску, які менш за год таму перажыў жудасны тэракт, перавязаная вяроўкай і пакінутая невядомымі скрыня амаль дзве гадзіны праляжала без увагі на лаўцы аўтобуснага прыпынку каля інтэрнату Нацыянальнай акадэміі навук Беларусі па вуліцы Акадэмічнай. belsat.eu

Пасля трох дзён арышту Паўла Вінаградава вызвалілі проста ў зале суда. ягоную справу накіравалі дапрацоўваць. На волю актывіст кампаніі «Гавары праўду!» мусіў выйсці яшчэ 2 сакавіка, але ў момант вызвалення яго затрымалі паўторна і даставілі ў ізалятар на Акрэсціна. belsat.eu

Сёння а 15:00 паводле менскага часу ўлады краіны абяцалі закрыць мяжу для шэрагу ўкраінскіх тавараў. Аднак пакуль гандлёвая вайна з Кіевам адкладаецца. Бакі робяць стаўку на дыялог і спадзяюцца хутка развязаць канфлікт. belsat.eu

Без удзелу прадстаўнікоў Беларусі ў Празе прайшла сустрэча міністраў замежных справаў краінаў «Усходняга партнёрства», дзяржаваў Балтыі ды так званай Вышэградскай чацвёркі, у якую ўваходзяць Чэхія, Вугоршчына, Польшча і Славаччына. Кіраўніка беларускага МЗС Сяргея Мартынава не ўключылі ў склад удзельнікаў сустрэчы. belsat.eu

Уласнаручна звужае прастору для манеўру і сам Аляксандр Лукашэнка. Падчас удзелу ў спартовым свяце «Менская лыжня» прэзідэнт закрануў далёка не святочныя тэмы. Не паскупіўся кіраўнік краіны на пагрозы ў бок Захаду і абразы прадстаўнікоў еўрапейскіх дзяржаваў. Сябе ж беларускі прэзідэнт фактычна прызнаў дыктатарам. Як адрэагаваў на гэта свет, а галоўнае, самі беларусы? belsat.eu

Паводле афіцыйных звестак, перамог Уладзімір Пуцін і ў нашай краіне. Тысячы расейскіх грамадзянаў прыйшлі аддаць свой голас на адмыслова створаныя для гэтага выбарчыя ўчасткі ў найбуйнейшых гарадах Беларусі. Прычым галасаванне адбывалася пры небывалай дагэтуль актыўнасці расейскіх выбарнікаў. belsat.eu

belsat.eu

belsat.eu

belsat.eu

belsat.eu

belsat.eu

Як аформіць дэкларацыю аб прыбытках, каб ашчадзіць? Як прыватным бізнесоўцам забяспечыць сваім працаўнікам бяспечныя ўмовы працы за невялікія грошы? Ці магчыма вярнуць грошы за няякаснае навучанне? Серж Наўродскі запрашае на «Асабісты капітал» 6 сакавіка, а 21:25

belsat.eu