Видео-новости

ЗОЛАТА Ў «ГАРЫЗОНТУ» Баскетбалісткі сталічнага «Гарызонту» сталіся ўладальніцамі залатых узнагародаў нацыянальнага першынства. У вырашальным двубоі дружына Анатоля Буяльскага перамагла гарадзенскую «Алімпію» з лікам 72:65. У складзе пераможцаў самаю выніковаю была Кацярына Сныціна, якая набрала 23 пункты і зрабіла 6 падбораў. Бронзавыя медалі чэмпіянату заваявалі спартоўкі з клубу «Менск-2006» -- яны былі мацнейшыя за барысаўскую «Бярэзіну» 66:51.

Палет на парашуце ў сталічным мікрараёне Каменная Горка доўжыўся толькі 13 секундаў. Аднак суботні скок з менскага шматпавярховіка вышынёю 75 м можа завершыцца для аматара экстрыму мільённым штрафам ці арыштам на нарах у СІЗА... belsat.eu

Чэргі і на беларуска-польскай мяжы. У прыватнасці, на аўтадарожным пункце пропуску «Берасце». Там сёння сабраліся паўтары сотні легкавых машынаў, якім давядзецца чакаць памежнага і мытнага дагляду ад 4 да 12 гадзінаў. Аднак прагназуецца, што ўжо днямі сітуацыя можа палепшыцца. У звязку з заўтрашнім Днём працы і Днём канстытуцыі, які адзначаецца 3 траўня, большасць крамаў у Польшчы зачыняць. Таму колькасць беларусаў, што едуць па замежныя пакупкі, зменшыцца. belsat.eu

ЗАХАД ПАГРАЖАЕ КІЕВУ У самой Украіне пракуратура Харкаўскай вобласці працягвае правяранне паводле заявы былой прэмеркі аб збіцці. Цімашэнка сцвярджае, што атрымала шматлікія пабоі з боку аховы калоніі. Следчыя ёй пярэчаць: сляды на целе палітыка пакінутыя тупым, цвёрдым прадметам, але ніяк не вынік прымянення сілы. Гэта не паўплывала на пазіцыю еўрапейскіх палітыкаў. Паводле нямецкіх медыяў, канцлер Нямеччыны Анґела Мэркель рэкамендавала сваім міністрам праігнараваць Еўра-2012 ва Украіне ў выпадку, калі Цімашэнка не выйдзе на свабоду.

11 гадзінаў у чэргах на беларуска-літоўскай мяжы. Столькі часу вымушаныя праводзіць падарожнікі на памежным пераходзе «Каменны Лог -- Мядзінінкай». Магчыма, сітуацыя палепшыцца толькі ў сярэдзіне тыдня. belsat.eu

Швейцарыя, курорты і банкі якой карыстаюцца асабліваю папулярнасцю ў заможных людзей, увяла больш жорсткія санкцыі ў дачыненні беларускіх чыноўнікаў і бізнесоўцаў. Такім чынам, спіс не ўязных у краіну асобаў папоўніўся шасцюдзесяццю васьмю імёнамі. Пры наяўнасці іх актываў у швейцарскіх банках, рахункі будуць замарожаныя. belsat.eu

Вяртанне заходніх амбасадараў у Беларусь расцягнулася амаль на тыдзень. Кіраўнікі еўрапейскіх дыпмісіяў пачалі вяртацца ў Менск яшчэ ў сярэдзіне мінулага тыдня. Апошняя ў беларускую сталіцу прыляцела амбасадарка Вялікай Брытаніі ў Беларусі Роўзмары Томас. belsat.eu

Патрабаваць спыніць пераслед за іншадумства ад уладаў усёю краінаю -- гэткую мэту ставяць перад сабой актывісты грамадзянскай кампаніі «Гавары праўду!». Сёння падчас прэс-канферэнцыі лідары кампаніі заявілі пра пачатак збору подпісаў да генпракурора ў абарону свайго паплечніка, грамадскага актывіста Паўла Вінаградава. belsat.eu

Як выратаваць у Беларусі малы бізнес? Менавіта гэтай праблеме быў прысвечаны прадпрымальніцкі форум, які прайшоў у Менску. Арганізатары сустрэчы -- прадстаўнікі грамадскага абяднання «Перспектыва» -- не толькі агучылі праблемы індывідуальных прадпрымальнікаў, але і прынялі адмысловую рэзалюцыю. Адзін з яе крокаў -- спроба чарговы раз дагрукацца да ўлады. belsat.eu

Маем першае месца сярод краінаў СНД і Еўропы... паводле росту спажывецкіх коштаў. Такія звесткі за сакавік падаў Белстат. У Нацыянальным жа банку краіны разважаюць, як палепшыць паказнікі. Са словаў старшыні праўлення Нацбанку Надзеі Ермаковай вынікае, што гэтакім сродкам можа стацца ўжо двойчы перажытая намі дэнамінацыя. Калі чакаць трэцяй? belsat.eu

belsat.eu

belsat.eu

Якое жытло найлепей і найтанней арэндаваць? Замежныя грошы для вашага бізнесу. Як іх знайсці і прыцягнуць? Размеркаванне маладых спецыялістаў. Як абараніць свае правы? Серж Наўродскі запрашае на «Асабісты капітал» 1 траўня, а 21:25

Грамадзянская кампанія "Гавары праўду!" звяртаецца да генеральнага пракурора Беларусі з просьбай не распачынаць крымінальную справу ў дачыненні да аднаго з лідараў маладзёжнага крыла кампаніі Паўла Вінаградава.

Чарговае падаражанне прадуктаў першай неабходнасці не прайшло незаўважана для жыхароў Беларусі. Асабліва моцна павышэнне коштаў адбіваецца на бюджэце пенсіянераў. Як беларусы ставяцца да падаражання?