Видео-новости

ДЗЯНІСАЎ -- КАПІТАН БЕЛАРУСАЎ Капітанам Нацыянальнай зборнай Беларусі на чэмпіянаце свету па хакеі ў Хельсінкі ды Стакгольме будзе абаронца менскага "Дынама" Уладзімір Дзянісаў. Пра гэта сёння на камандным зборы паведаміў галоўны трэнер нашай дружыны Кары Хэйкіля. Асістэнтамі капітана абралі нападніка омскага "Авангарду" Аляксея Калюжнага і форварда "Таронта" Міхаіла Грабоўскага. Заўтра беларуская каманда з Браціславы вылятае ў Хельсінкі, дзе ўжо 4 траўня правядзе першы матч групавога этапу супраць Фінляндыі.

Сапраўдны рэвалюцыйна-анархістычны дух вярнуў Першамаю ды падарыў усім сваім прыхільнікам гурт "Ляпіс Трубяцкой". Новы альбом пад назвай "Рабкор" пабачыў свет на прасторах інтэрнэту на паўгода раней, чым планавалася, -- якраз да свята працоўных. belsat.eu

На пытанне "Што я ведаю пра Еўропу?" спрабавалі адказаць сёння магілёўскія школьнікі. Аднайменны конкурс праводзіцца ўжо дзевяты раз. belsat.eu

Яшчэ да афіцыйнай прэмеры стужка "Вышэй за неба" сталася скандальная. Падзяліць правы і скончыць фільм не могуць беларускія аўтары ды міжнародныя замоўцы -- Глабальны фонд барацьбы са СНІДам пад куратарствам Праграмы Развіцця ААН. Паводле апошніх, серыял атрымаўся занадта востры ды не пасуе для паказу на дзяржаўных тэлеканалах. Хто акажацца "вышэй за неба" і ці пераможцамі папяровай валтузні ў выніку будуць гледачы? belsat.eu

ПЕРШАМАЙ У РАСЕІ На Першамай у Расеі выйшлі каля двух мільёнаў грамадзянаў. Самая буйная дэманстрацыя прайшла ў сталіцы. Упершыню за апошнія 16 гадоў на чале шэсця крочыла найвышэйшае кіраўніцтва краіны. Шэсце ўзначаліў зграны дуэт Мядзведзеў--Пуцін. belsat.eu

Сёння Беларусь, а разам з намі 142 краіны свету, адзначае адно з найважнейшых «грамадзянскіх» святаў -- Дзень працы. Урачыстасці ў нашай краіне прайшлі ў найлепшых савецкіх традыцыях. Можа, якраз і таму, што правы працоўных -- тэма, якая і сёння не вельмі пасуе да афіцыйнай карцінкі. Бо нават адзначыць сваё законнае свята дазволілі далёка не ўсім. belsat.eu

Першамайскі падарунак для працоўных ад ураду -- падвышэнне заробкаў, пенсіяў ды іншых відаў сацыяльнай дапамогі. Але вырасла і тарыфная стаўка першага разраду, а гэтая навіна шмат для каго можа аказацца не вельмі прыемнай. belsat.eu

Праблемы ў нас не толькі з мастацтвам, але і са свабодаю слова. Беларусь застаецца сярод зацятых яе ворагаў ды нават пагаршае свае пазіцыі. З леташняга 190-га месца мы апусціліся яшчэ на тры пазіцыі ў сусветным рэйтынгу. Паводле апошняй справаздачы праваабарончай арганізацыі «Freedom House», горш, чым у Беларусі, з правам на выказванне цяпер толькі ў Эрытрэі, Узбекістане, Туркменістане і Паўночнай Карэі. belsat.eu

Беларуская прэмера карціны англійскага рэжысёра Мэтю Чарлза закончылася для ахвотных яе паглядзець затрыманнямі ды гадзінамі, праведзенымі ў міліцэйскім пастарунку. Фільм «Апошні дыктатар Еўропы» раскрывае аблічча сённяшняй палітычнай сістэмы ў Беларусі. На менскім паказе сцэны з фільму сталіся рэчаіснасцю. belsat.eu

belsat.eu

belsat.eu

belsat.eu

Падчас параду на Красную плошчу выедзе каля сотні баявых машынаў, у тым ліку гонар расейцаў -- ракетныя комплексы "Искандер-М", зенітныя сістэмы С-400 ды ракетныя комплексы "Бук-М2". Гэтая тэхніка брала ўдзел і ў начной рэпетыцыі параду.

„Каб падрыхтавацца да дэнамінацыі, трэба вырабіць новыя грашовыя знакі, пасля чаго можна абвяшчаць дэнамінацы. Але сёння Нацбанк не гатовы да гэтага. Не гатовы не таму што не вырабленыя новыя грошы, а таму што вельмі высокая інфляцыя" - дадаў Багданкевіч.

Рэспубліканскае грамадскае абяднанне "Перспектыва" зладзіла прадпрымальніцкі форум "Малы бізнес -- погляд у будучыню". Галоўная яго мэта -- выявіць праблемы ў сферы малога бізнесу і знайсці шляхі іх рашэння, атрымаць інфармацыю з першых вуснаў: чым сёння жыве і дыхае малы бізнес, што неабходна яму дзеля паспяховага развіцця.