Видео-новости

Напярэдадні свята

07.04.2012

Напрыканцы выдання яшчэ раз вернемся да галоўнай падзеі дня. І пабачым, як адзначаюць Вялікую суботу вернікі ў іншых краінах свету.

Не вялікія канцэртныя залы, але шчырая народная любоў. Унесены ў спіс забароненых музыкаў гурт "Neuro Dubel" і кампанія "Рок-салідарнасць" арганізавалі сустрэчу з фанатамі ў офісе Партыі БНФ. Што могуць зрабіць дзеля змянення сітуацыі загнаныя ў амаль што падполле творчыя людзі ды іхныя прыхільнікі? Фактычна спатканне было акустычным канцэртам з найлепшымі песнямі, гутаркамі пра жыццё музыкаў, і, вядома, іхную творчасць. Але адказ на галоўнае пытанне хацелі б пачуць самі музыкі.

Агляд падзеяў замежжа

07.04.2012

Беларускі «Самаход»

07.04.2012

Пазнаваць свет і людзей праз падарожжы. Сучасны чалавек можа сёння прагуляцца па Парыжы, заўтра наведаць Рым, а ўжо праз дзень вярнуцца дадому з Афінаў. Такія амаль што паўсядзённыя для еўрапейцаў рэчы недаступныя, на жаль, для большасці беларусаў. Менавіта таму арганізатары фестывалю чалавечай мабільнасці "Самаход" заклікаюць дазволіць жыхарам нашай краіны вандраваць бесперашкодна.

«Ручай крыві» перакапаюць?

07.04.2012

Выпадковы ці мэтанакіраваны вандалізм? Сталічныя рабочыя наўпрост праз брацкую магілу "Ручай крыві" вырылі канаву дзеля ўкладання камунікацыяў. Ці ёсць спосаб выратаваць памяць ды месца, прызнанае гісторыка-культурнай каштоўнасцю

Вялікая субота

07.04.2012

Вялікую альбо Ціхую суботу адзначаюць сёння ва ўсім свеце каталікі, уніяты і пратэстанты. У апошніх прыгатаваннях да Вялікадня -- і значная частка жыхароў нашай краіны. Бо на галоўнае хрысціянскае свята стол мусіць быць багаты і разнастайны. У бажніцах жа вернікі ўзгадваюць пра пахаванне сына божага ды чакаюць на шчаслівую вестку аб ягоным уваскрэсенні. Вялікая субота ў касцёлах пачалася з традыцыйнага асвячэння ежы, што трапіць заўтра на святочны стол. Перадусім фарбаванак як сімвалу вечнага жыцця і надзеі, а таксама пасхі ды іншых страваў з велікоднага кошыку.