Видео-новости

Вымярэнне «пяцігодка» -- цяпер не толькі ў айчынным бізнесе. Паветраную прастору паміж Расеяй і Беларуссю Менск хоча звязаць парытэтным пагадненнем -- ажно на пяць гадоў. Сёння... удалося дамовіцца толькі пра летні расклад авіяпералётаў -- па пяць рэйсаў на дзень з кожнай сталіцы

Працавала сёння беларуская Феміда і ў сталіцы. Суд Ленінскага раёну прысудзіў сябрам «Маладога фронту» Змітру Крамянецкаму і Міхаілу Мускаму па 10 дзён арышту. Нібыта за нецэнзурную лаянку. Самі ж актывісты ўпэўненыя -- не даспадобы міліцыянтам прыйшлася... нашыўка арганізацыі на заплечніку аднаго з іх. Маладзёнаў затрымалі на станцыі метро «Купалаўская». Увагу міліцыянтаў прыцягнула нашыўка з надпісам «Малады фронт» на заплечніку.

Былы палітвязень Аляксандр Малчанаў на свабодзе прабыў нядоўга. Сёння Жодзінскі суд асудзіў актывіста на 1,5 года калоніі строгага рэжыму. Ягоны сябар Арцём Ігнацікаў атрымаў гэткі ж тэрмін. Але з адтэрмінаваннем на год. Падставаю было абвінавачанне ў крадзяжы 400 кг металалому з тэрыторыі Жодзінскага заводу цяжкіх штамповак. Падсудныя сваёй віны не прызналі.

Суд не будзе разглядаць скаргі Алега Гулака і Гары Паганяйлы, якія дамагаюцца вяртання ім статусу выязных з Беларусі. Прынамсі пакуль. Адначасова абодвум праваабаронцам паведамілі, што разгляд справаў адклалі на нявызначаны тэрмін. За мяжу не пускаюць, і калі пусцяць, не вядома. У такім падвешаным стане апынуліся беларускія праваабаронцы, палітыкі, журналісты і грамадскія дзеячы, якія трапілі ў неафіцыйны чорны спіс з забаронаю на выезд з краіны.

Абяцанкі-цацанкі, а дурню радасць. Пра гэта кажа народная мудрасць. І на гэта, відаць, спадзяецца афіцыйны Менск. Улады Беларусі прапаноўваюць Еўразвязу знізіць узровень напружанасці ў адносінах ды заклікаюць... сесці за стол перамоваў. Падобныя заявы гучалі і ў папярэдніх дыпламатычных войнах з абяднанай Еўропаю. І некаторыя нават мелі поспех. Ці ёсць такі шанец у апошніх спробаў афіцыйнага Менску перавесці адкрыты канфлікт у дыскусію? Спробы дыялогу з Еўропаю ды абяцанні шчыльнай і прыбытковай для абодвух бакоў супрацы ўжо прысутнічалі ў зусім нядаўняй гісторыі нашай краіны.

belsat.eu

belsat.eu

belsat.eu

belsat.eu

Паўночная Карэя рыхтуецца да святкавання 100-годдзя з дня нараджэння Кім Ір Сэна, які лічыцца заснавальнікам краіны і кіраваў Паўночнаю Карэяй з 1948 да 1994 года. Менавіта Кім Ір Сэн заклаў падмуркі паўночнакарэйскай ідэалогіі чучхэ.

Пасля апрацавання ўсіх бюлетэняў Тыбілаў набраў 54 % галасоў, ягоны супернік -- упаўнаважаны ў правах чалавека ў Паўднёвай Асеціі Давід Санакоеў атрымаў 42 %. Гэта былі паўторныя прэзідэнцкія выбары ў рэгіёне. На папярэдніх перамогу атрымала апазіцыянерка Ала Джыоева, аднак вынікі галасавання былі скасаваныя на рашэнне Вярхоўнага Суда. На паўторных выбарах яна не высоўвала сваёй кандыдатуры.

„Праблематыку санкцыяў, якіх няма, якія абмяркоўваюцца і яшчэ будуць безвынікова абмяркоўвацца ў Еўразвязе, вельмі карысна ўздымаць менавіта беларускаму ураду. Будуць санкцыі, ці не будуць -- беларускія ўлады будуць рабіць выгляд, што няы ёсць і спісваць на санкцыі свае эканамічныя памылкі", - гаворыць Уладзімір Мацкевіч. Ён таксама падкрэсліў, што засяродзіўшы ўвагу на санкцыях, пасварыўшы паміж сабою дэмакратычных лідэраў і лідэраў грамадзянскай супольнасці, улады дамагаюцца таго, каб яны „не займаліся тым, чым павінны займацца -- палітычнай дзейнасцю, врыашэннем сапраўды істотных пытанняў".

„Для Масквы Лукашэнка -- найлепшы варыянт, - гаворыць Павал Вусаў. - Магчыма, яны б хацелі замяніць яго на больш лагоднага і прадказальнага партнёра, але пакуль у Беларусі аўтарытарызм у той форме, у якой ён існуе, Беларусь не можа зварухнуцца ў кірунку Захаду. Для Захаду ж праблема ў тым, што ён не можа змяніць гэты рэжым".