Видео-новости

Цацачныя пратэсты перакінуліся і да нашых суседзяў. Сёння цацкі з транспарантамі дзеля падтрымання Паўла Вінаградава і Аляксандра Арцыбашава, якія адбываюць арышт за менскі цацачны мітынг, можна было пабачыць у Вільні. Як на такую незвычайную форму пратэсту адрэагавалі ўлады дэмакратычнай краіны? belsat.eu

Зарабіць больш на арэндзе, не павышаючы яе ставак? Скандальны спосаб знайшла адміністрацыя гандлёвага комплексу "Экспабел" у Менску. Прадпрымальнікаў прымушаюць плаціць за адзін дадатковы квадратны метр агульнай плошчы рынку. Сёння абураныя гандляры дамагаліся сустрэчы з кіраўніцтвам гандлёвага комплексу. belsat.eu

Шмат хто з прадстаўнікоў беларускай апазіцыі ды экспертнай супольнасці крытыкаваў візавыя санкцыі: адны за мяккасць, іншыя --за неэфектыўнасць. Апошнія дзеянні ўладаў Беларусі пераконваюць: нават гэтыя абмежаванні балюча бюць па атачэнні Аляксандра Лукашэнкі. Учора Менску ўдалося раскалоць адзінства чальцоў Еўразвязу і дамагчыся неўключэння імя алігарха Юрыя Чыжа ў дадатковы "чорны спіс". Аднак у Бруселі запэўніваюць: бліжэйшым часам санкцыі будуць мацнейшыя. belsat.eu

Менск разюшаны пашырэннем "чорнага спісу" і хоча адказаць такім жа чынам. Беларусь у аднабаковым парадку забароніць уезд на сваю тэрыторыю для тых асобаў, якія спрыялі ўвядзенню санкцыяў. Кіраўніцы прадстаўніцтва Еўракамісіі ў Беларусі Майры Муоры і амбасадару Польшчы Лешэку Шэрэпку прапанавалі выехаць у свае сталіцы для кансультацыяў. А такія крокі наўпрост кажуць пра новы віток беларуска-еўрапейскай дыпламатычнай вайны. belsat.eu

belsat.eu

Жывая легенда, класік беларускай літаратуры, былы кіраўнік Белтэлерадыёкампаніі, дыпламат Генадзь Бураўкін -- герой чарговай серыі дакументальнага цыклу "Беларусь -- адзін верш". Хто для Генадзя Бураўкіна -- літаратурны аўтарытэт, каго з маладых творцаў чытае майстар? Ды як глядзіць на жыццё? "Беларусь -- адзін верш", 29 лютага, 20:50

7-гадовы мядзведзь ахвотна дэманструе свае незвычайныя здольнасці, размахваючы палкаю, паводле інтэрнаўтаў, "як майстар кунг-фу". Памір жыве ў парку "Роев ручей", што ў Краснаярску. Туды ён трапіў з заапарку ў Екацярынбурзе. Паводле працаўнікоў заапарку, Памір заўсёды вылучаўся тым, што ахвотна гуляўся з рознымі прадметамі -- мячамі, палкамі.

"Масква хоча прадэманстраваць уласнаму электарату, што яна абараняе сваіх хаўруснікаў, што роля Расеі на пост-савецкай прасторы ўзмацняецца" - мяркуе палітолаг Валер Карбалевіч. Ён падкрэсліў, што пакуль у Расеі не завяршылася перадвыбарная кампанія, палітыка ўсебаковай падтрымкі афіцыйнага Менску будзе працягвацца.

Рэвалюцыя ў кінагустах. «Оскара» -- самую прэстыжную кінаўзнагароду свету -- атрымаў чорна-белы... нямы фільм. Ці азначае гэта, што неверагодныя сцэны, спецэфекты і брутальная страляніна адыходзяць у мінуўшчыну, саступаючы месца кранальным і пяшчотным фільмам? Упершыню галоўныя статуэткі кінапрэміі «Оскар» паедуць у Францыю. Фільм «Артыст» рэжысёра Мішэля Хазанавічуса адразу вылучаўся ў спісе намінантаў сваёй формаю. Нямая чорна-белая камедыйная меладрама робіць элегантны рэверанс залатой эпосе Галівуду і яе самым выбітным рэжысёрам.

У госці да незвычайнай асобы. Ці шмат хто ведае, што вось у гэтай сціплай хаце ў Калодзішчах пад Менскам жыве чалавек-легенда? Паэтка Надзея Дземідовіч -- адна з ужо нешматлікіх, хто на сабе вынес пекла сталінскіх лагераў. ГУЛаг разбурыў маладой тады яшчэ дзяўчыне жыццё, знявечыў мары. Але не зламаў духу.

Кіроўца сталічнага тралейбусу не здолеў спыніць машыну ля прыпынку на вуліцы Кальварыйскай, заехаў на ходнік ды ўрэзаўся ў прыпыначную канструкцыю.