Видео-новости

belsat.eu

belsat.eu

Нягледзячы на не зусім ідэальныя ўмовы плавання (а магчыма -- наадварот, менавіта з-за гэтага) больш як 400 смельчакоў скокнулі ў возера Антарыё, што ў Таронта, каб адсвяткаваць Новы год.

Паводле намесніка начальніка Менскага гарадскога ўпраўлення МНС Андрэя Гапоненкі, у навагоднюю ноч сітуацыя з надзвычайнымі здарэннямі такая ж, як і ў звычайныя дні. "Адзіная асаблівасць у тым, -- удакладніў ён, -- што паводзіны людзей у нецвярозым стане часта прыводзяць да парушэння правілаў пажарнай бяспекі. Гэта і выкарыстанне піратэхнічных вырабаў, і паленне ў ложку".

Да Новага года ў Беларусі застаецца яшчэ больш за дзве гадзіны. Між тым свята ўжо напоўніцу сустракаюць жыхары ўсходніх рэгіёнаў планеты.

Апошні год, як вядома, быў надзвычай ураджайны не толькі на рознага кшталту катаклізмы ды палітычныя скандалы, але і на рэвалюцыйныя падзеі ды сыход у гістарычны нябыт дыктатараў розных краінаў свету. А вось чаму вецер пераменаў не закрануў Беларусі? І як да гэтага ставяцца беларусы?

З 1 студзеня ў Менску адключаюць трансляцыю "Euronews". Найбуйнейшы айчынны аператар кабельнага тэлебачання "Менскія тэлевізійныя інфармацыйныя сеткі" прапануе менчукам замест актуальнай ды незалежнай інфармацыі стужкі каналу "НТВ-плюс-Киноплюс". Свайго рашэння МТІС не тлумачыць.

Самаю слабой валютай у свеце па выніках года прызнаны... беларускі рубель. Цягам года ён страціў 64 % адносна долара ЗША. Несуцяшальныя высновы зрабілі аналітыкі агенцыі "Блюмбэрг".

Галоўная тэма дня 31 снежня традыцыйная -- Новы год. У гэты дзень мы віншуем адно аднога са святам ды складаем самыя шчырыя зычэнні сваім блізкім. Пакуль жа яшчэ маем крыху часу да навагодняй бяседы, прапануем выказацца тым, чые навагоднія пажаданні дакладна не пакажуць афіцыйныя каналы.

рэж. Ежы Гофман (Jerzy Hoffman), 2000 г., Польшча У ролях: Ізабэля Скарупка (Izabella Scorupсo), Міхал Жэброўскі (Micha? ?ebrowski), Кшыштаф Кавалеўскі (Krzysztof Kowalewski), Збігнеў Замахоўскі (Zbigniew Zamachowski), Анджэй Сэвэрын (Andrzej Seweryn), Аляксандр Дамагараў, Багдан Ступка. Тэлевізійная чатырохсерыйная версія самага касавага польскага фільму паводле апошняй часткі знакамітае трылогіі Гэнрыка Сенкевіча. «Агнём і мячом» паказвае трагічныя старонкі гісторыі Рэчы Паспалітай у сярэдзіне XVII ст.

Кожны год 31 снежня кіраўнік дзяржавы звяртаецца да народe з навагоднім віншаваннем. Журналісты звярнуліся да менчукоў з пытаннем: "Што б вы пажадалі кіраўніку дзяржавы ў наступным годзе?"

канцэрт з удзелам "Крамбамбулі", Русі і Ганны Хітрык запісалі ў 2009 г.

віншаванні вядоўцаў тэлеканалу "Белсат" з новым 2012 годам.

Зорка беларускай рок-музыкі гурт NRM едзе ў невялікую вёску Бяскіды (Beskidy) пад славацкую мяжу, дзе яшчэ жывыя гуральскія музычныя традыцыі. Беларусы разам з гуральскай капелай «Торка» рыхтуюць сумесны выступ, дзе рок-песні NRM пачынаюць гучаць у апрацоўцы традыцыйных гуральскіх інструментаў: фідля, басэтлі і трамбітаў. Гэты выступ — спатканне свабодных і незалежных людзей, якіх лучыць музыка; двух розных стыляў, якімі музыкі выражаюць сваю вольнасць. рэж. Пётр Стэц (Piotr Stec), Томаш Марцінец (Tomasz Morciniec), 2008 г.