Видео-новости

belsat.eu

Праграма Белсату belsat.eu

belsat.eu

belsat.eu

МЫТНІКАЎ ПАЧЫСЦІЛІ Найбуйнейшую карупцыйную справу ў гісторыі літоўскай мытні раскрылі спецслужбы нашай прыбалцкай суседкі. Праваахоўнікі затрымалі 21 супрацоўніка пункта мытнага кантролю "Мядзінінкай", што знаходзіцца на беларуска-літоўскай мяжы - на кірунку Менск-Вільня. Усім фігурантам справы прадяўленыя абвінавачанні ў хабарніцтве ды злоўжыванні службовым становішчам. САМАГУБСТВА АМБАСАДАРА Прадстаўнік Сербіі пры НАТА Браніслаў Мілінковіч скончыў жыццё самагубствам у брусэльскім аэрапорце скочыўшы з 8 метровай вышыні.

Справа мадэльера Сашы Варламава будзе разглядацца ў Ленінскім судзе сталіцы. З Генпракуратуры ў суд крымінальную справу перадалі 30 лістапада. Саша Варламаў, заснавальнік і арганізатар конкурсу "Млын моды", абвінавачваецца паводле 5 артыкулаў Крымінальнага кодэксу, у тым ліку ў махлярстве ў буйных памерах і нявыплаце падаткаў. Расейскія калегі Варламава, з якімі беларускі дызайнер супрацоўнічаў каля васьмі гадоў, гавораць, што трэба браць пад увагу той факт, што Варламаў пачынаў справу, калі моднай індустрыі ды правілаў вядзення бізнесу ў Беларусі наогул не было.

Тэгеран абыходзіць міжнародныя эканамічныя санкцыі з дапамогаю Беларусі - сцвярджае італьянская газета „La Stampa": Паводле выдання, іранскія банкі рэгіструюць свае філіялы пад іншымі назвамі, не зафіксаванымі ў „чорных спісах". Як піша Ла Стампа, у якасці першага кроку па рэалізацыі „беларускага плану" тры свае філіялы ў Менску стварылі іранскія банкі TCB і Honor Bank. Захад падазрае рэжым Махмуда Ахмадынэжада ў распрацоўцы ядравай зброі. У выніку накладзенага Еўразвязам і ЗША эмбарга на іранскую нафту, здабыча „чорнага золата" ў краіне сёлета скарацілася да мінімуму за 20 гадоў.

Тапонім Еўразія, які апошнім часам можна пачуць зазвычай з вуснаў кіраўнікоў Крамля, нечакана падхапілі і некаторыя беларускія праваабаронцы. Сёння ў Менску прэзентавалі брашуру "Беларусь: Terra Incognita ў цэнтры Еўропы ці тэрыторыя еўразійскага кампрамісу". Прымеркавалі выданне да някруглай даты -- васямнаццатых угодкаў падпісання "Мемарандуму аб гарантыях бяспекі ў сувязі з далучэннем Беларусі да дамовы аб нераспаўсюдзе ядравай зброі".

Узровень карупцыі ў Беларусі адпавядае афрыканскім краінам. Гэта вынікае са штогадовай справаздачы міжнароднай няўрадавай арганізацыі "Transparency International". Паводле індэксу ўспрымання карупцыі Беларусь займае 123-е месца са 176 краінаў свету. Нашая краіна мае ўзровень, параўнальны з афрыканскаю Маўрытаніяй, Мазамбікам і Сьера-Леонэ.

Пяных кіроўцаў чакае павелічэнне штрафаў і канфіскацыя аўтаў. ДАІ заяўляе, што падрыхтавала адпаведныя папраўкі ў закон. Цяпер праект дакументу праходзіць працэдуру ўзгаднення. Шэраг дзяржаўных органаў прапанаваў зрабіць адказнасць за кіраванне аўтам у нецвярозым стане больш жорсткаю, у тым ліку, павысіць штрафы за адміністратыўныя парушэнні, а паводле крымінальных артыкулаў -- узмацніць суворасць спагнання.

Сапраўды, такога яшчэ не было: хаты, гаспадарчыя пабудовы і сады руйнуюць і спальваюць на вачах гаспадароў. Жыхароў вёскі Паўлавічы, якая цяпер уваходзіць у межы Віцебску, у наўпроставым сэнсе высяляюць на мароз. На думку віцебскага праваабаронцы Валера Шчукіна, гэта супярэчыць закону. ВАЛЕР ШЧУКІН, ПРАВААБАРОНЦА "Калі вёску высяляюць, павінна быць адпаведнае рашэнне суда, і займацца гэтым павінны судовы выканаўца. А калі высяленнем займаюцца прадстаўнікі выканкама, гэта ад самага пачатку незаконна".

Колькі можа каштаваць расліна? Не вельмі шмат, як для бюджэту краіны. Але вось шкоду ад імпарту расліннай прадукцыі праз тэрыторыю Беларусі у Расею тамтэйшы "Россельхознадзор" ацаніў... на 480 мільярдаў расейскіх рублёў, ці на больш за 15 мільярдаў долараў.

Праверка фактаў катавання у Ленінскім РАУС Менску скончылася завядзеннем крымінальнай справы. Адпаведная пастанова была вынесеная сталічным аддзяленнем Следчага камітэту ў сувязі з перавышэннем міліцыянтамі сваіх службовых паўнамоцтваў у дачыненні да Васіля Сарочыка. 14 лістапада міліцыянты схапілі 54-гадовага ахоўніка аўтастаянкі і сілай даставілі ў пастарунак, дзе шэсць гадзін катавалі, выбіваючы прызнанні ў здзяйсненні шэрагу крадзяжоў. Справа набыла гучны рэзананс, дзякуючы праваабаронцам і незалежным журналістам.