Видео-новости

belsat.eu

Дзікія жывёліны нярэдка робяцца віноўнікамі аўтамабільных аварыяў. А вось у амерыканскім штаце Каларада маладая казуля трапіла пад... скейтборд. На шчасце -- ніхто не пацярпеў.

Ці зменяць прысуд «Pussy Riot» на больш лагодны? Пра гэта будзе вядома толькі праз паўтара тыдня. Сённяшні разгляд касацыйнай скаргі на вырак удзельніцам гурта перанеслі. Аднак не толькі сітуацыя вакол «Pussy Riot», але і шэраг іншых нядаўніх крокаў расейскіх уладаў выклікае ўсё большую заклапочанасць міжнароднай супольнасці.

Зарабляеш шмат -- дык і плаці болей. Такі прынцып улады збіраюцца ўвесці ў сістэму аплаты за жыллёва-камунальныя паслугі. Пачаць плануюць з электраэнергіі. Міністэрства энергетыкі распачало працу над увядзеннем дыферэнцаванай сістэмы аплаты за электрычнасць. Згодна з прапановаю ўраду, каб аплаты залежалі не толькі ад колькасці спажывання, але і ад прыбыткаў грамадзянаў.

belsat.eu

Чэргі на выбарчых участках, празрыстыя скрыні для галасавання і 60 тыс. назіральнікаў. Гэтак праходзяць парламенцкія выбары ў Грузіі -- а яны, як ужо вядома, будуць для краіны лёсавызначальнымі. З перамогаю апазіцыйных сілаў распачнецца працэс мірнай змены ўлады. Калі ж верх возьме кіроўная партыя -- вялікая імавернасць, што і на наступныя чатыры гады ўлада застанецца ў руках Міхэіла Саакашвілі.

Паліць тытунь -- сабе даражэй. Напамін медыкаў чарговы раз пацвердзілі і новыя цэтлікі на крамных паліцах. Паводле Міністэрства падаткаў і збораў, з сённяшняга дня рознічныя цэны на асобныя маркі цыгарэтаў ад айчынных вытворцаў павысіліся адразу амаль на 13 %, ад замежных -- амаль на 6 %.

Міжнародны дзень пажылых людзей адзначаецца сёння. Для нашай краіны, дзе амаль кожны пяты жыхар -- старэйшы за 60 гадоў, гэты дзень, аднак, назваць святам не выпадае.

«Падумаць» пра павелічэнне і ўзмацненне ўлады міліцыі загадаў сёння Аляксандр Лукашэнка. Падчас сустрэчы з кіраўніцтвам МУС прэзідэнт заявіў, што рэфармаванне ведамства павінна прайсці без страты якасці працы і пры гэтым не «пакрыўдзіць людзей у пагонах».

4 % толькі за верасень. Беларускі рубель працягвае слабець. Затое попыт на замежную валюту ўсцяж перавышае прапанову. Улетку актыўнае куплянне валюты ўлады звязвалі з сезонам адпачынкаў. Чым жа цяпер урад патлумачыць такія тэндэнцыі? І як гэта адабецца на айчыннай эканоміцы і на гаманцах беларусаў?

belsat.eu

belsat.eu