У Дзень дзіцяці «Белсат» падрыхтаваў падарунак для сваіх самых важных гледачоў. На вуліцах буйных гарадоў вясёлыя клоўны будуць з балонікамі ды кветкамі шукаць маленькіх гледачоў. 1 чэрвеня а 16:05 -- цэлая гадзіна ўлюбёных мультфільмаў вашых дзетак. А 19:45 «Белсат» традыцыйна пакажа казку на дабранач. На новай старонцы «Белсату» цяпер можна глядзець і спампоўваць мультфільмы на беларускай мове, калі вы толькі пажадаеце. А як найхутчэй знайсці менавіта казкі -- на галоўнай старонцы падкажа банер.
Відэа з канцэрту тут: belsat.eu Упершыню ў Магілёве з канцэртам выступіў гурт «Сурганова и Оркестр» з праграмаю «Увидимся скоро». Пасля выступу лідарка гурта дала «Белсату» кароткае інтэрвю. «Я не магла ўявіць, што народ будзе так цёпла прымаць, ведаць песні, выклікаць на біс, што народ прытаіўшы дыханне будзе слухаць «Бабочку» Бродскага. Я абсалютна шчаслівая, я закаханая ў магілёўскую публіку, бо такой зяднанасці, такога драйву і аддачы, прызнаюся, не атрымліваеш у кожным горадзе», -- распавяла музыка журналістам «Белсату».