Видео-новости

У тых, хто яшчэ не вызначыўся з падарункамі на Новы год, ёсць шанец набыць арыгінальныя, зробленыя сваімі рукамі рэчы. Беларускія майстры ідуць у масы, а дакладней больш за 40 дызайнераў выставілі свае працы на продаж на пляцоўцы сталічнай галерэі сучаснага мастацтва «Ў».

Ці можна спалучыць святкаванне Новага года і перадкалядны праваслаўны пост? На гэтае пытанне журналістам адказаў падчас адмысловай прэсавай канферэнцыі святар менскага Свята-Духава кафедральнага сабору протаіерэй Сергій Гардун.

Пасля капітальнага рамонту -- барацьба за выжыванне. За апошнія два гады, якія прайшлі пасля абнаўлення водаправоднай сістэмы ў доме № 18 па вуліцы 60 гадоў Кастрычніка ў Пінску, ужо адбылося 6 прарываў трубаў з гарачаю вадою. Чарговая аварыя здарылася перад каталіцкімі Калядамі.

З псіхіятрычнай лякарні ў Навінках пасля прымусовага лячэння вызвалілі Аляксандра Крутога. У медычную ўстанову ён трапіў пасля таго, як абараняў інтарэсы сваёй пацярпелай ад выбуху дачкі на працэсе аб тэракце ў метро 11 красавіка 2011 года.

Праз тры дні чаканняў афіцыйныя вынікі канстытуцыйнага рэферэндуму ў Егіпце сталі вядомыя. З 52 млн выбарнікаў галасавалі ўсяго 17 млн, але і з іх -- толькі 64 % сказалі "за". Паводле апазіцыі, гэтак слаба падтрыманую Канстытуцыю нельга лічыць агульнапрынятым галоўным законам.

У Расеі Савет Федэрацыі адзінагалосна ўхваліў гэтак званы закон Дзімы Якаўлева, які забараняе амерыканскім семям усынаўляць расейскіх дзяцей. Новы акт названы íмем расейскага хлопчыка, які памёр у выніку нядбайнасці амерыканскіх прыёмных бацькоў.

З новага года ў Беларусі павялічацца кошты на паслугі жыллёва-камунальнай гаспадаркі. Паводле Савету Міністраў краіны, які прыняў адпаведнае рашэнне, тарыф на ацяпленне падвысіцца на 5 %, а за электрычнасць давядзецца плаціць на 9,5 % болей, чым раней. Такім чынам, з улікам новых тарыфаў на ацяпленне для сямі з трох чалавек, якая жыве ў стандартавай двухпакаёвай кватэры, кошт "камуналкі" складзе Br 249 600 за месяц. З прыходам новага 2013 года беларусаў таксама чакае 20-адсоткавае павелічэнне коштаў на мабільную сувязь і карыстанне інтэрнэтам.

Калі заробкі будуць расці і далей, Нацбанк разгледзіць магчымасць выпуску 500-тысячнай купюры, пры гэтым ні дэвальвацыі, ні дэнамінацыі налета чакаць не варта. У стабільнасці рубля старшыня галоўнага банку краіны Надзея Ермакова запэўнівала сёння падчас он-лайн-канферэнцыі ў інфармацыйным агенцтве БелТА. І выглядае на тое, што шмат хто ёй верыць.

belsat.eu

belsat.eu

belsat.eu

belsat.eu

25 сьнежня пяты па ліку «Калядны фэст» згралі гурты «Стары Ольса», «Тутэйшыя», «Irdorath», «Rokash», «Re1ikt» і «ZNICH». www.svaboda.org