Видео-новости

Эканаміст Аляксандр Сінкевіч папярэджвае: Беларусь чакае павольная, кропкавая прыватызацыя і далёка не заўсёды справядлівая. "Увогуле прыватызацыя ў Беларусі -- вельмі закрытая, як "чорная скрыня" -- па-сутнасці, адбываюцца дамовы паміж некалькімі людзьмі на падставе таямнічых экспертных ацэнак. Відавочна, што ў такіх умовах будзе адбывацца продаж ніжэй за рынкавы кошт", -- мяркуе эксперт.

belsat.eu

belsat.eu

Што для Вас дача: дадатковы прыбытак ці адпачынак?

Што для Вас дача: дадатковы прыбытак ці адпачынак?

Тым часам, бадай, галоўны метад выратавання беларускай эканомікі -- лібералізацыя коштаў -- можа адбыцца, але не раней за наступны год. Пра гэта заявіў міністр эканомікі Мікалай Снапкоў. Сёлета ж дзяржава будзе працягваць жорсткае рэгуляванне коштаў.

Ласыя кавалкі Беларусі атрымалі сёння... сталічныя мінакі. Моладзевае крыло кампаніі "Гавары праўду!" правяло чарговы флэшмоб. Гэтым разам -- каб прыцягнуць увагу грамадскасці да непразрыстай прыватызацыі найлепшых айчынных прадпрыемстваў. Непакояцца і эксперты, кажучы аб настроенасці Крамля з падвойнаю сілаю ўзяцца за прыватызацыю панадных кавалкаў Беларусі. Узяць кавалак беларускага пірага -- мінакоў намаўляць неабходнасці не было. Як і тлумачыць, у чым ягоная сімвалічнасць.

Што трэба беларусам? Кажуць -- чарка ды скварка. Прэзідэнт жа краіны жадае значна лепшага для свайго электарату -- мармуровай скваркі. Толькі кошт кілаграму гэтага самага дарагога ў свеце мяса большы за сярэднемесячны заробак беларуса. Падчас працоўнай паездкі па Гомельскай ды Берасцейскай абласцях ад Аляксандра Лукашэнкі прагучала і шмат іншых прапановаў. Мармуровае мяса -- страва для сапраўдных гурманаў. У еўрапейскіх рэстарацыях яго кошт дасягае 300 долараў за кілаграм. Каштоўным гэты далікатэс робіць ягоны эксклюзіўны смак і тэхналогія вытворчасці.

Сеул, Токіа і Вашынгтон асуджаюць, а Пекін і Масква заклікаюць іх не ўжываць санкцыяў да Паўночнай Карэі -- за спробу старту спадарожніка. Ракета ж, якая мелася вывесці спадарожнік на арбіту, узарвалася, пахаваўшы тым самым у Жоўтым моры зорныя амбіцыі КНДР. Цяпер жа пасля няўдачы ў касмічнай індустрыі, каб рэабілітаваць сваю рэпутацыю, Пхеньян можа пайсці на выпрабаванні ядравай зброі. Падарунак да стагоддзя з дня народзінаў першага правадыра краіны Кім Ір Сэна выбухнуў... пасля старту з касмадрому "Чхоль-сан".

Кожны пяты з тых, хто звярнуўся ў сталічную міліцыю, выказаў прэтэнзіі да працы міліцыянтаў. Працаўнікі сталічных РУУСаў аказаліся задаволеныя такім вынікам даследаванняў. Тым больш, што і апытанне праводзілі самі міліцыянты. "Абектыў" жа вырашыў праверыць гэтыя звесткі. Меркаванні жыхароў сталіцы ды незалежная статыстыка. Гэта ў савецкім ідэалістычным мультфільме пры крадзяжы ці якім іншым дробным злачынстве можна было звярнуцца да ветлівых прыватных дэтэктываў. У сучаснай, хоць ужо і не савецкай Беларусі, з усімі, нават дробнымі праблемамі, трэба ісці ў міліцыю.

Сяргей Каваленка спыніў галадоўку, якую трымаў больш за два месяцы на знак нязгоды з пераследам уладаў і турэмнага зняволення за вывешванне бел-чырвона-белага сцяга. Актывіста не змусілі змяніць пазіцыю ні турэмныя ўлады, ні просьбы паплечнікаў ды блізкіх. Але чаго не здолелі зрабіць у турме -- ціскам ды гвалтам, тое атрымалася, літаральна за некалькі дзён, у псіхіятрычным шпіталі. "Беларус памірае за сцяг" -- казалі пра Сяргея Каваленку замежныя медыі. Чатыры месяцы за кратамі, больш за два месяцы бесперапыннай галадоўкі.