Видео-новости

Больш за 100 000 чалавек сабралі антыўрадавыя дэманстрацыі ў сталіцы Емену ды ў паўднёвых правінцыях краіны. Мітынгоўцы пратэставалі супраць смяротных выпадкаў, што адбыліся напярэдадні падчас сутычак апазіцыі ды вайскоўцаў. Загінулі 13 чалавек, яшчэ 200 былі параненыя.

Некалькі дзясяткаў сарокаў зляцеліся да мемарыяльнай вежы Кім Ір Сэна, каб аплакваць смерць "вялікага правадыра" Кім Чэн Іра. Відэасюжэт пра гэта паказала дзяржаўнае тэлебачанне Паўночнай Карэі. belsat.eu

Палітолаг Уладзімір Мацкевіч упэўнены, што пратэсты ў Расеі не будуць мець уплыву на сітуацыю ў Беларусі ды не пагражаюць рэжыму Пуціна.

У правінцыю Аютхая на поўначы Тайланду завітала незвычайная працэсія -- шэсць сланоў у вобразе Святога Мікалая выступілі і раздалі падарункі.

Адразу 40 Дзедаў Марозаў віншавалі сёння бабруйчанаў. Шэсце Дзедаў Марозаў і Снягурак стартавала ад гарадскога парку і завЕршылася ля цэнтральнай ялінкі. А ўжо там адбыліся конкурсы ды карагоды.

Калядныя святы -- час неспадзяванак і цудаў. Гэтак, маленькія ўдзельнікі фестывалю змаглі пабачыць заўсёды таямнічую, але самую важную святочную постаць -- Святога Міколу. СВЯТЫ МІКОЛА: "Хо-Хо-Хо! Віншаванні з Менску ад святога Мікалая для дзетак-беларусаў!" І гэта не казачны персанаж, як прыдуманы на заходзе Санта-Клаус ці ў Савецкім Саюзе -- Дзед Мароз. Бо не яны, а менавіта Святы Мікола рыхтуе падарункі, якія знаходзяць пад ялінкаю дзеткі. Але падарункі прыемна не толькі атрымліваць, але і дарыць.

Апошнія рэпетыцыі хору ў базіліцы святога Пятра ў Рыме. Вігілійнае набажэнства сёння тут традыцыйна ўзначаліць Папа Рымскі. Заўтра ж галава Каталіцкай царквы Бэнэдыкт XVI звернецца да вернікаў з традыцыйным пасланнем "Да гораду і свету". Асабліва рыхтаваліся да свята ў Бэтлееме, на Заходнім беразе ракі Іардан, дзе, паводле вераванняў, нарадзіўся Езус. КРЫСТЫНЭ, ТУРЫСТКА З НЯМЕЧЧЫНЫ: "Гэта выключна, бо тут пачалася гісторыя. Але для мяне і маёй сямі прысутнасць тут мае ўвогуле асаблівае значэнне: тут былі мае бацькі, тут была мая бабуля, таму і для мяне гэта адмыслова".

Дыскусіі ды спрэчкі вакол вылучэння лаўрэатаў на прэмію ў Пэн-Цэнтры працягваліся некалькі месяцаў. Сёння кіраўніцтва абяднання ўпэўненае: сярод узнагароджаных -- найлепшыя. АНДРЭЙ ХАДАНОВІЧ, СТАРШЫНЯ БЕЛАРУСКАГА ПЭН-ЦЭНТРУ: "Я ганаруся быць іхным земляком, сучаснікам і чытачом. Ганаруся, што нам удалося сабраць іх разам. Прэміяй Алеся Адамовіча ўганаравалі грамадскага дзеяча Мікалая Мельнікава. Заслуга гэтага чалавека выключная. Нягледзячы на ўсе складанасці, яму ўдалося стварыць у Горадні музей Васіля Быкава -- адзіны ў Беларусі, акрамя сядзібы пісьменніка ў родных Бычках.